Prania e dy ambasadorëve të huaj në seancën e sotme plenare, nuk i pengoi deputetët e ‘Rithemelimit’ të vijonin me skenarin e tyre për krijimin e kaosit në Kuvend.
Teksa këta të fundit kishin rrethuar foltoren duke e bllokuar dhe përdornin zhurmuese, ambasadorët vëzhgonin situatën nga lozha e Kuvendit, ku dhe mbanin shënime. Ndërkohë, për shkak të kaosit anulua edhe mbajtja e fjalës e presidentit Bajram Begaj.
Nga ana tjetër, me 73 vota pro mazhiranca voti emërimin e Blendi Gonxhes si ministër i Ekonomisë, Kulturës dhe Inovacionit dhe Adea Pideni si ministre e Shtetit për Administratën dhe Anti-Korrupsionin.
Ndërkohë që Elva Margariti u shkarkua me 72 vota pro, po 72 vota mori dhe shkarkimi i Ervin Metes nga ministria e Ekonomise dhe 73 vota mori emerimi i tij si minister i Financave. Po ashtu, u betua edhe deputeti më i ri, Plarent Ndreca./O.S
