Avokat Kujtim Ibraj ka deklaruar se mjeku kirurg i arrestuar një ditë më parë rrezikon të dënohet nga 7-15 vite burg. Sipas avokatit Ibraj, 42-vjeçari Dervish Hasi, me profesion mjek kirurg në Tiranë nëse provohet se ka kryer marrëdhënie seksuale me të miturën, do përballet me Kodin Penal, i cili parashikon deri në 15 vite heqje lirie.
Ndërsa e konsideroi ngjarjen si tejet të dhimbshme, avokati vuri në dulkje edhe nivelin arsimor të të arrestuarit.
“Ky është një rast shumë i dhimbshëm në shoqërinë shqiptare. Po flasim për një person me nivel të lartë arsimor.
Po flasim për një mjek që punonte dhe në një spital të rëndësishëm. Poligamia është e ndaluar me ligj., Jemi para një vepre penale për marrëdhënie seksuale me të mitur nëse arrihet të provohet. Sipas Kodit Penal ai dënohet 7-15 vite burg”, tha avokati.
Kujtojmë se ditën e djeshme, Policia vuri në pranga 42-vjeçarin Dervish Hasi, me profesion mjek kirurg në Tiranë, me akuzën se prej dy vitesh shfrytëzonte për prostitucion një të mitur.
Hasi njihet si besimtar mysliman dhe ka të dhëna se ai kishte edhe 3 gra të tjera në shtëpi dhe të miturën e prezantonte si bashkëshorten e tij të katërt./e.t
