Aktorja e famshme, Nicole Kidman, u kthye në protagonisten absolute në premierën e serialit “Expats” në Nju Jork pak ditë më parë, pasi sytë e të gjithëve mbetën te fustani i saj.
Ylli i kinematografisë zgjodhi një fustan elegant të zi, me detaje të fshehura në të! Fustani i dizenjuar në pjesën e bustit, me një fije fare të hollë mbi gjoks dhe që lidhet te pjesa e pasme e kurrizit ishte zgjedhja e saj dhe mund të themi me plot gojën: Një super zgjedhje!
Aktorja zbuloi tërësisht shpinën e saj, ndërsa një e çarë e guximshme deri te pjesa e ijëve nxirrte në pah këmbët e saj. Shpina tërësisht e ekspozuar e Kidman, takat me majë të theksuar, si edhe pjesa e brendshme prej mëndafshi në nuancën e jeshiles lime, ishin të tjera detaje që ranë në sy në tërësinë e look-ut të artistes së famshme.
Ndërkohë, njerëzit në X (ish-Twitter) e adhuruan pamjen e saj: “Si gjithnjë, ajo shkëlqen”; “E provoi prapë se është mbretëresha e tapetit të kuq”; “Jam thjesht pa fjalë” ishin disa nga komentet.
Edhe njëherë tjetër, fituesja e çmimit Oscar na tregoi formulën se si të dukesh seksi me një fustan me një të çarë ekstreme.
Nicole e kompletoi look-un me një grim të lehtë, duke i shtuar veshjes aksesorët e mëdhenj, vathë dhe byzylykë me diamante./E.Ç
