Marrëveshja me Italinë/ Bardhi: Gjykata Kushtetuese humbi mundësinë të bëjë drejtësi

113 563 lexime

124,178FansaPëlqeje

Kryetari i grupit parlamentar të Partisë Demokratike, Gazment Bardhi, ka reaguar pas vendimit të Gjykatës Kushtetuese që miratoi marrëveshjen e emigrantëve mes Shqipërisë dhe Italisë.

Për Bardhin vendimi nuk është surprizë dhe thekson se “Kushtetuesja” humbi që në nisje mundësinë për të bërë drejtësi në këtë çështje. Sipas tij, marrëveshja me Italinë cënon sigurinë, interesin publik dhe shkel të drejtat e njeriut.

“Asnjë surprizë nga “Vali Bizhgat në Gjykatën Kushtetuese”! Mohimi i transparencës dhe mbi të gjitha shmangia e mundësisë për një opinion këshillimor nga GJEDNJ janë tregues i qartë që GjK humbi që në nisje mundësinë për të bërë drejtësi në këtë çështje. Marrëveshja me Italinë cenon sigurinë e interesin publik, si dhe shkel në mënyrë flagrante të drejtat e njeriut dhe konventat ndërkombëtare në këtë fushë, siç Komisioneri për të Drejtat e Njeriut në KiE dhe organizatat prestigjioze ndërkombëtare janë shprehur”, njoftoi Bardhi.

Gjykata Kushtetuese rrëzoi padinë e 30 deputetëve të opozitës lidhur me këtë marrëveshje duke e quajtur në përputhje me Kushtetutën. Vendimi kaloi me shumicë votash.

Kujtojmë se më 6 Nëntor 2023 kryeministri Edi Rama dhe kryeministrja italiane Giorgia Meloni nënshkruan në Romë marrëveshjen për ndërtimin në Shqipëri të dy qendrave për strehimin e emigrantëve.

Sipas marrëveshjes ata do të strehohen në Gjadër, ku do të jetë kampi dhe vendqëndrimi i tyre. Kapaciteti maksimal pritës është 3 mijë shtretër.

Kujtojmë se kjo marrëveshje është miratuar nga parlamenti italian. Me vendimin e sotëm të Kushtetueses, marrëveshjes i hapet rruga për të kaluar për votim në Parlament dhe kërkon shumicë të thjeshtë votash./O.S

Të fundit

8 Maj 1880 – Gustave Flobert, mjeshtri francez i realizmit letrar

Nga Leonard Veizi Ai shkroi Madam Bovari. Vetë romani u bë manifesti i realizmit letrar dhe mbetet edhe sot një...

Sulmi i Trump ndaj industrisë së filmit është shenjë përçmimi ksenofobik

Jesse Hassenger Shtoni edhe filmat në listën gjithnjë e më të gjatë të fushave ku Donald Trump nuk ka as ekspertizë dhe as njohuri kalimtare,...

Zbulohen planet për Gazën: Qeveri e përkohshme nën menaxhimin amerikan

Duke pritur Trumpin, Trump mbërrin. Vizita e presidentit amerikan në Lindjen e Mesme do të nisë pas pesë ditësh, por qëllimet e manjatit për...

Aeroportet më të ngarkuara në botë, do befasoheni me numrin 1 të listës!

Sipas Këshillit Ndërkombëtar të Aeroporteve, numri i pasagjerëve në udhëtimet ajrore është rritur në gati 9.5 miliardë në 2024-ën, 9% më shumë se një...

Çfarë e bën tymin në Kapelën Sistine të zi apo të bardhë?Përbërësit që hidhen në dy sobat

Gjatë konklavës së vitin 2013, kur u zgjodh Papa Françesku, shumëkush u impresionua nga ngjyra e errët e tymit që dilte nga oxhaku i...

Lajme të tjera

Web TV