Sekretari i Përgjithshëm i “Rithemelimit”, Flamur Noka, ka folur për mediat pas mbledhjes së Kryesisë.
Noka paralajmëroi se grupimi mbështetës i i ish-kryeministrit Sali Berisha do të organizojë protesta në të gjithë vendin. Ai shtoi se në mbledhje u diskutuan dhe format e përshkallëzimit të aksionit opozitar, që tahsmë ka nisur me kaosin e shkatuar nga “Rithemelimi” në Kuvend.
“Vendimet për të përjashtuar dhe shpallur armiq deputetët e opozitës, të cilët në seancën e fundit demonstruan krejtësisht brenda rregullores, me pankarta, tregon se regjimi ka një vullnet për të asgjësuar çdo gjë, forcë dhe kundërshtar që nuk mund të hyjë në kthetrat e tij. Rama po hedh hapat më të rrezikshëm të instalimit të një neodiktature. PD është e vendosur të qëndrojë përballë dhe diskutuam format e diversifikimit dhe përshkallëzimit duke e çuar me mosbindje civile. U diskutuan dhe format e përshkallëzimit që do të zbresim në të gjitha degët e Shqipërisë, do të ketë protesta në të gjitha rrugët”, tha Noka.
Ai foli dhe për 4 koordinatorët, për të cilët tha se do të jenë ndihmës në çështjet e organizimit të partisë, ndërsa për Belind Këlliçin tha se do të jetë drejtues politik i Tiranës.
“Zyra e organizimit do të forcohet me 4 koodrdinatore, Këllëçi do të jetë drejtues politik i Tiranës. Janë ndihmës në çështjet e organizimit të partisë. Çështje ditësh do të merrni vesh për bashkimin e PD-së”, tha Noka./O.S
