Edhe sindikata të tjera kishin bërë thirrje për protesta në të gjithë vendin nga Sevilja dhe Granada në jug deri në Girona pranë kufirit francez. Në Girona, traktorët mbanin pankarta ku shkruhej “Pa fermerë nuk ka ushqim”. Protestat janë përhapur edhe në Holandë duke ekspozuar zemërimin për importet e lira dhe kufizimet e vendosura nga BE për të luftuar ndryshimet klimatike.
Policia holandeze i bëri thirrje fermerëve që t’i jepnin fund demonstratave, pasi ata bllokuan autostradat midis Mastrihtit dhe Liezhit dhe u vunë zjarrin gomave. Videot në mediat sociale treguan goma të djegura në vende të ndryshme rreth Holandës.
Edhe në Itali fermerët nga rajone bujqësore si Toskana u drejtuan në jug drejt kryeqytetit, duke mbajtur flamurin italian dhe tabela me slogane duke përfshirë “Pa fermer, pa ushqim”.
“Pika kyçe është akciza për naftën, të cilën po mundohemi ta bllokojmë të paktën deri në vitin 2030. Ne Romë kërkojmë nga politikanët tanë të zgjidhin problemet tona. Të gjitha bizneset tona kanë nevoja të ndryshme, secili duhet të kultivojë produkte të ndryshme”, tha një fermer italian.
Ndërkaq në Gjermani dhe në Francë që u përfshin nga protestat për javë të tëra, fermerët janë tërhequr, por kanë deklaruar se lëvizja do të vijojë në plotësimin e kërkesave të tyre./O.S
