Një ngjarje e paprecedentë ka ndodhur në qytetin e Durrësit.
Shtetasi E. A. kishte çuar automjetin e tij, në subjektin e dy vëllezërve, për ta lyer. Vëllezërit nuk e kishin lyer automjetin, por lëviznin me të, në qytet.
Në Shkozet, në rrugën që të çon te kualidimi, shtetasi E. A. ka konstatuar 2 vëllezërit që lëviznin me makinën e tij.
Ai i ka dalë para automjetit, që ta ndalonte, por vëllezërit kanë tentuar ta shtypin, duke e marrë në kofanon e automjetit, deri në afërsi të universitetit.
Më pas, ata kanë përplasur automjetin me trafikndarësen, e kanë braktisur atë dhe janë larguar.
Pronari i mjetit nuk ka pësuar dëmtime fizike, por ka njoftuar menjëherë Policinë, për ngjarjen e ndodhur.
Shërbimet e Policisë janë vënë në ndjekje të 2 vëllezërve dhe kanë bërë të mundur kapjen dhe arrestimin e tyre në flagrancë.
Konkretishtu arrestuan 27-vjeçari D. C. dhe 20 vjeçari E. C., të dy banues në fshatin Fermë Sukth, pronar të një subjekti për lyerje automjetesh.
Ndërkohë, materialet procedurale i kaluan Prokurorisë, për veprime të mëtejshme./e.t
