Qeveria ndan fonde për punësimin e qytetarëve në veri

113 563 lexime

124,178FansaPëlqeje

Ministria e Financave, Punës dhe Transfereve (MFPT) njoftoi të hënën se e ka ndërmarrë një masë për t’i ndihmuar të punësohen qytetarët në katër komunave me shumicë serbe në veri – Mitrovicë e Veriut, Leposaviq, Zveçan dhe Zubin Potok.

Ky vendim u mor nga ministri i MFTP-së, Hekuran Murati, gjatë një takimi me ministrin për Komunitete dhe Kthim, Nenad Rashiq, dhe kryetarin e Komunës së Leposaviqit, Lulzim Hetemi, sipas Ministrisë.

Ministria tha se do ta subvencionojë 70% të pagës bruto për gjashtë muaj me radhë deri në maksimumin prej 350 eurove për qytetarët në veri, si shenjë përkrahjeje për punësimin e tyre.

Si kriter për ta përmbushur për të përfituar nga kjo masë, Ministria theksoi se punëkërkuesit duhet të jenë të regjistruar si të tillë në zyrën e punësimit në komunën e tyre përkatëse, të jenë mbi moshën 18 vjeçe, si dhe të jenë banorë në njërën nga katër komunat veriore.

Ajo shtoi se edhe punëdhënësit duhet të jenë me bazë në njërën nga katër komunat veriore, si dhe të jenë duke funksionuar “në mënyrë të rregullt ashtu siç parashihet përmes legjislacionit të Kosovës”.

“Kujtojmë se përkrahja përmes skemës ‘Qeveria për Familjet’ filloi duke subvencionuar pagën për anëtarët e familjeve që nuk kishin asnjë të punësuar, ku deri më tani kanë përfituar mbi 2,600 familje, përfshirë këtu edhe qytetarët në katër komunat veriore”, tha ajo.

Por, qytetarët nga katër komunat veriore mund t’i bashkohen skemës pa marrë parasysh a kanë ndonjë anëtar të punësuar apo jo “duke garantuar kështu punësim gjithëpërfshirës dhe të dinjitetshëm për të gjithë”.

Ky vendim i Ministrisë së Financave vjen në ditën kur serbë të Kosovës protestuan në Mitrovicën e Veriut ndaj vendimit të Bankës Qendrore të Kosovës për ta ndaluar përdorimin e dinarit për pagesa me para të gatshme.

Lexo edhe :  Shpella antike e Odisesë mbulohet me beton, monumentit i del pronari

Serbia e ka kritikuar ashpër rregulloren e BQK-së, duke e interpretuar si synim të Qeverisë së Kosovës për dëbim të serbëve.

Shteti serb ndan miliona euro për serbët në Kosovë pasi ua paguan atyre – përmes një sistemi paralel – rrogat, pensionet dhe ndihmën shtesë./REL

Të fundit

Vijon puna për ndërtimin e Urës së re të Bahçallëkut në Shkodër

Në Shkodër vijon puna për ndërtimin e Urës së re të Bahçallëkut, në hyrje të qytetit të Shkodrës. Kjo urë...

Save the Children: Fëmijët e uritur në Gaza nuk kanë forcë as të qajnë

Udhëheqësja e organizatës për të drejtat e fëmijëve, Save the Children, ka përshkruar në detaje tronditëse agoninë e ngadaltë të fëmijëve të uritur në...

Deputeti demokrat: Me Sali Berishën, Rama qëndron në pushtet sa të dojë

Deputeti Dashnor Sula është shprehur se deklaratat e Sali Berishës janë kontradiktore ndërsa sipas tij, opozita do të gabonte nëse nuk do të merrte...

3 shenjat e horoskopit që do të përjetojnë ndryshime të mëdha gjatë shtatorit

Në ditët që po vijnë, fillimi i shtatorit do të sjellë sinjale të rëndësishme për tre shenja të zodiakut. Universi do të flasë përmes...

Real Madrid dhe Atletico nisin garën për yllin e Manchester United

Edhe pse konsiderohej si e ardhmja e Manchester United, në kohën kur ekipi drejtohej nga Erik ten Hag, mesfushori i ri, Kobbie Mainoo, nuk...

Lajme të tjera

Web TV