Konfirmohen 4 raste me murtajën e derrit në Kukës dhe Has

113 563 lexime

124,178FansaPëlqeje

Katër derra të egër që janë gjetur të ngordhur nga shoqata e gjuetarëve, dy në Pusin e Thatë dhe dy në Morinë vunë në lëvizje shërbimin veterinar në Kukës e Has.

Pas inspektimit në terren, mostrat e marra u dërguan për analiza në Institutin e Veterinarisë, nga ku rezultuan të prekur nga murtaja e derrit.

Drejtori i Shërbimit veterinar Bajram Peposhi, tha për Report Tv se u zbatuan protokollet përkatëse për asgjësimin e tyre.

“Sëmundja në fjalë, prek vetëm derrat dhe nuk është e rrezikshme për transmetueshmëri tek njerëzit apo kafshët e tjera, por ka një shkallë të lartë mortaliteti dhe mund të depërtojë në stallat e derrave të butë që mbarështohen në zona të ndryshme të vendit”, tha Peposhi.

Peposhi deklaroi më tej se rastet në Pusin e Thatë dhe Morinë ishin të parat e shfaqjes së kësaj sëmundjeje në vendin tonë, ndërkohë që vendet kufitare të rajonit, Maqedonia e Veriut, Kosova dhe Mali i Zi e kanë të pranishme prej një viti.

“Shërbimi veterinar i Kukësit por edhe ai kombëtar kanë ndërmarrë edhe masat paraprake për monitorim të rreptë të situatës në stallat e derrave, duke qenë se nuk ka vaksine apo masë tjetër që frenon sëmundjen”, tha Peposhi.

Në Kukës vitet e fundit është rritur ndjeshëm shtimi i tufave të derrave të egër pothuajse në të gjithë territorin e zonave të mbrojtura të qarkut, kjo falë edhe masave shtrënguese siç ishte moratoriumi i gjuetisë.

Çobani Besmir Thaqi nga fshati Domaj i Hasit tregon se ndonëse në këtë zonë ka shumë derra të egër nuk përbëjnë rrezik për dhitë dhe delet. Shqetësim për të do të përbënte nëse murtaja do të ishte ngjitëse.

Lexo edhe :  Temperaturat deri në 21 gradë celsius, parashikimi i motit për sot dhe ditët në vijim

“Nuk janë të rrezikshëm derrat për bagëtitë por sëmundja nëse është ngjitëse, është problem. Derrat ikin prej dhive dhe qenve. Nuk ka pasur raste që kanë sulmuar kopetë.”

“Kjo zonë njihet për derra të egër. Vijnë dhe hanë kallamoq. Nuk është i dëmshëm, është si dhua, han bar. Nuk është mishngrënës”, shtoi më tej ai./O.S

Të fundit

Do të lundrojnë në para/ Shenjat e horoskopit të favorizuara financiarisht në muajin mars

Financat janë një çështje e madhe për të gjithë tani, por tre shenjat e horoskopit që tërheqin bollëkun financiar...

Para ose pas zgjedhjeve, në fund prapë do shkojmë për Pazar!

Nga Ben Andoni Nuk ka vit më strapacues për shqiptarët e zakonshëm sesa kur mbahen zgjedhjet e përgjithshme, ashtu si njësoj pothuaj ngjet edhe me...

Demaliaj: Segmente të SPAK janë nën kontrollin e Berishës

Segmente të SPAK-ut kontrollohen nga Sali Berisha dhe Olsi Dado, prokurori i dosjes së Erion Veliajt, është shok i vajzës së kreut të PD-së,...

ALARMANTE! Mos i konsumoni këto turshi, mund të shkaktojnë edhe vdekjen…

Disa lloje të turshive japoneze të prodhuara nga kompania kaliforniane Choshiya Honten Ltd janë tërhequr nga tregu për shkak të një rreziku të mundshëm...

Zgjedhjet e 11 majit/ Celibashi tregon datën kur do nisen zarfet e votimit tek emigrantët

Kreu i KQZ, Ilirjan Celibashi ka deklaruar se brenda javës së ardhshme pritet që të përzgjidhet kompania ndërkombëtare që do të marrë përsipër procesin e...

Lajme të tjera

Web TV