Pasditen e sotme, në afërsi të fshatit Bratomirë në Pogradec, një automjet tip “Benz” është aksidentuar.
Mësohet se drejtuesi i automjetit, shtetasi me inicialet M.Sh., ka humbur kontrollin e për pasojë ka dalë nga rruga. Si pasojë, ai ka pësuar lëndime, së bashku me dy pasagjerët, shtetasit me inicialet S.M. dhe E.Gj.
Shtetasit ndodhen në spital, jashtë rrezikut për jetën.
Njoftimi i Policisë:
Pogradec/Informacion paraprak
Më datë 15.02.2024, rreth orës 17:15, në afërsi të fshatit Bratomirë, Pogradec, shtetasi M. Sh., duke drejtuar një automjet tip “Benz”, dyshohet se ka humbur kontrollin mbi drejtimin e tij dhe automjeti ka dalë nga rruga. Për pasojë është lënduar vetë drejtuesi i mjetit dhe dy pasagjerët në automjet, shtetasit S. M., dhe E. Gj., të cilët u dërguan për ndihmë mjekësore, në spitalin e Pogradecit, aktualisht jashtë rrezikut për jetën.
Grupi hetimor po punon për zbardhjen e rrethanave të aksidentit./e.t
