Policia e Shkodrës ka vënë në pranga autorin e plagosjes me thikë të 22-vjeçarit Armandio Gj. Ngjarja e rëndë ndodhi në lagjen “Skënderbeg”, pas një konflikti të çastit për motive të dobëta.
“Shërbimet e Komisariatit të Policisë Shkodër menjëherë pas identifikimit se shtetasi Anton Gj., ka dëmtuar me mjet prerës (thikë), një 22-vjeçar, janë venë në ndjekje dhe pas disa orësh ndjekjeje dhe kërkimesh bënë të mundur lokalizimin, kapjen dhe arrestimin në flagrancë të autorit, shtetasit Anton Gj., 27 vjeç, banues në fshatin Grude e Re”, njoftoi policia.
Pasi plagosi 22-vjeçarin, ai u largua menjëherë nga vendi i ngjarjes dhe u vu në pranga pas disa orësh ndjekje. Ndërkohë policia njofton se i plagosuri po merr ndihmën e nevojshme mjekësore dhe ndodhet jashtë rrezikut për jetën./O.S
