Nga ROLAND QAFOKU
Ky është urdhri i kryeministrit Ismail Qemal Vlora në gusht tw vitit 1913, sipas të cilit çdo nëpunës i administratës do t’i nënshtrohej provimit të gjuhës shqipe.
Sot në ditën e gjuhës amtare po veçoj një pjesë nga ky urdhër, i shkëputur nga gazeta e qeverisë “Përlindja e Shqipëniës”, duke e shoqëruar me idenë se me nivelin e ulët të administratës në këtë aspekt, kjo duhet të aplikohet edhe pas 111 vjetësh: “Nëpunësit që ndodhen në shërbim do të japin një provim në gjuhën shqipe: ata që do tregohen të zotët, do të konfirmohen në punën që kanë; ata që nuk do të dinë mirë gjuhën shqipe, do të munt të kërkojë disa kohë që t’a mësojnë nëqoftëse kanë dëshirë që të mbeten në shërbim”.
Si skurpuloz i përdorimit të drejtë të gjuhës shqipe, mendoj se kryeministri Edi Rama duhet të aplikojë të njëjtin vendim si ky i Ismail Qemalit.
Më kujtohet se urdhri i parë i Ramës si ministër i Kulturës në prill 1998 ishte ndalimi i përdorimit në shkresat zyrtare të shkronjës (e) në vend të shkronjës (ë).
Jam i bindur se nëse do aplikohet ky provim, gjysma e administratës …. do përgatitet për të futur mik.
