Pak minuta më parë ka mbërritur në Shkodër kryeministri Edi Rama për të zhvilluar mbledhjen me kabinetin qeveritar dhe kryebashkiakët e majtë ku do të bëhet një analizë e thelluar për punën e bërë.
Mbledhja sapo ka nisur dhe mësohet se në takim janë të gjithë kryebashkiakët e qarkut Shkodër.
Raportohet se i pranishëm në këtë takim është edhe Hilë Curri, kreu i Bashkisë së Fushë-Arrëzit, i koalicionit Bashkë Fitojmë.
Në mbledhjen e sotme pritet që të bëhet një analizë e thellë financiare dhe në ‘sitë’ do të kalojnë edhe projektet e BE, shërbimet, si edhe burimet njerëzore.
Ndërsa në orën 12:00 është parashikuar një tryezë e hapur me anëtarë të kabinetet qeveritar, kryebashkiakë dhe drejtues të agjencive, mbi disa tema, si shëndetësia, bujqësia, arsimi, mjedisi, siguria, infrastruktura etj.
Mbledhja pritet të përfundojë në orën 17:30 e fjalën e kreut të qeverisë./O.S
