Amnistia Penale do të kalojë në Kuvend javën tjetër.
Ky ka qenë vendimi që ka marrë Grupi Parlamentar i PS-së në mbledhjen që ka zhvilluar këtë të hënë.
Projektligji ishte planifikuar të votohej në Parlament pak javë më parë, por u shty, pasi opozita nuk pranoi të bashkojë votat.
Për projektligjin për Amnistinë Penale kërkohen 84 vota. Mazhoranca nuk mund ta miratojë e vetme, kështi që i ka të nevojshme votat e opozitës.
Lulzim Basha me deputetët e tij nuk pranojnë të votojnë pro dhe prej disa ditësh po kërkojnë që të plotësohen kushtet e tyre.
Nga ana tjetër, deputetët e Berishës nuk janë shprehur për këtë projektligj, pasi sot rikthyen normalitetin në Kuvend./O.S
