Nga Alban Daci
Dalja mbrëmë e Bashës në një studio televizive pas thuajse 2 vitesh ishte një lajm, por më shumë lajm bëri, sepse biseda i zhvillua kryesisht me ish zëvendësen e tij dikur e sot moderatore televizive! E gjitha biseda dukej sikur ishte interpersonale ne këndvështrimin politik! Madje, nëse duhet të bëjmë krahasimet me KPD e famshme të Nanos, pak dallime mund të ketë, por në linja të përgjithshme ishte thuajse njësoj!
Grida i bëri shumë pyetje për drejtimin e situatën e PD që ndoshta në atë kohë shumë bashkë drejtues nuk ja kanë bërë, por që sot shumë demokratë do të donin t’ia bënin!
Basha edhe për shkak të faktit se përballë kishte Gridën, por edhe për faktin se tashmë nuk ka asgjë çfarë të humb duke shpresuar në ringritjen politike ishte i drejtpërdrejtë dhe sinqertë në përgjigjet e tij!
Ndoshta niveli i bisedës në këndvështrimin e lidershipit nuk ishte si duhet, por ishte i mirë dhe i domosdoshëm në optikën politike!
Basha me gjuhën e trupit të tij e sidomos me kontrollin e lëvizjet e duarve duke sikur kishte një farë tensioni, jo për përmbajtjen e bisedës në vetvete, por për faktin dhe pasigurinë sesi do të pritej para publikut pas një pauze dy vjeçare, kjo falë zgjedhjes së tij!
Mendoj se Basha ka kaluar një test të mirë mbrëmë dhe ka dëshmuar se ai është i vendosur në rrugëtimin e tij politik, duke konfirmuar edhe një herë se vazhdon të jetë një faktor i rëndësishëm politik e publik përtej llogjikës së numrave apo të ngjarjeve të ndodhura në këto dy vite!
Edhe paneli ishte i mirë, sepse i bënë shpesh pyetje të drejtpërdrejta dhe e për çështje konkrete! Ndoshta moderimi mund të ishte më i mirë në kuptimin e pyetjeve, përgjigjeve dhe dëgjimit, por mendoj sesi dalje e parë pas dy vitesh pauzë dhe me shpresën se nuk do të fillojë një pauzë e re paafat ishte në momentin e në hapësirën e duhur!/e.t
