Arrestimi i drejtorëve dhe ish zyrtarëve, reagon Veliaj: Po bëhet gjueti shtrigash…

113 563 lexime

124,178FansaPëlqeje

Kryebashkiaku Erion Veliaj ka reaguar publikisht arrestimit të disa prej drejtuesve të Bashkisë së Tiranës nën akuzën e korrupsionit, duke u shprehur se cilido prej tyre duhet të përballet vetë me drejtësinë, i zhveshur nga çdo mbrojtje.

Erjon Veliaj: Jam këtu para jush, pasi kam parë, njësoj si ju, e dëgjuar, njësoj si ju, çfarë ka ndodhur me disa drejtorë e ish-drejtorë të Bashkisë së Tiranës, dhe pasi kam kaluar edhe një peripeci të vogël shëndetësore personale, për të cilët ju falenderoj për kujdesin.

Jam përpjekur të kuptoj, sa e kam pasur unë të mundur, se si janë zhvilluar ngjarjet që çuan në ngritjen e akuzave për këta zyrtarë të institucionit që unë drejtoj.

Po e nis nga vija e kuqe e Partisë Socialiste dhe e kryeministrit Rama: Çështjet që hap drejtësia e re, me këdoqoftë dhe kudoqoftë, në cilindo nivel të përgjegjësive ekzekutive dhe administrative, nuk janë për t’u komentuar në aspektin e tyre ligjor, por janë thjesht për t’ua besuar organeve të drejtësisë. Cilido individ që është përfshirë në këto çështje, duhet të përballet vetë me drejtësinë, i zhveshur nga çdo lloj mbrojtjeje tjetër, përveç mbrojtjes ligjore nga avokatët e vet.

Pra, unë s’kam asnjë koment për vërtetësinë e akuzave, për shkallën e përfshirjes ose jo të secilit në aktivitetin e paligjshëm për të cilin akuzohen, për fajësinë apo pafajësinë e tyre, që është ekskluzivisht tagër i gjykatës, nivelin e respektimit të së drejtës njerëzore e kushtetuese të prezumimit të pafajësisë në para-burgimin e tyre, e kështu me radhë.

Kjo vijë e kuqe ma bën të pamundur futjen në debat për faktet, me ata të cilët e shfrytëzojnë lirinë e fjalës në media për të bërë prokurorin, sigurimsin modern apo inkuizitorin mesjetar, duke më përfshirë edhe mua në të dënuarit pa gjyq, për sa ka ndodhur ose nuk ka ndodhur.

Por, nëse për faktet e kam të pamundur të hyj në debat sepse do të cenoja parimin e mosndërhyrjes në një çështje të drejtësisë, për pjesën time të përgjegjësisë dhe për rolin që kam me bekimin e qytetarëve të Tiranës, e kam të pamundur të mos shprehem.

Lexo edhe :  Protesta e 2 prillit në Shkodër/Berisha: Frymëzim për zgjedhjet, në 11 maj ndahen 2 epoka

Po! Nuk ka asnjë diskutim, që unë kam punuar dhe bashkëpunuar me këta njerëz dhe për sa më takon, e kam vlerësuar punën e tyre në bazë të rezultateve, që flasin vetë në çdo cep të qytetit, për këdo që do t’iu referohet arritjeve reale në sektorët që ata kanë drejtuar, në kohën që kanë punuar në Bashkinë e Tiranës./O.S

Të fundit

Si ndikohet tregu i punës nga forcimi i dialogut social

Vendet e Ballkanit Perëndimor po ndjekin të njëjtën rrugëtim europian ku edhe sfidat e hasura i ngjajnë në një...

“Bien temperaturat”, meteorologia Lajda Porja zbulon si do të jetë moti në fundjavë

Peizazhi i motit të javës do të vijojë edhe në fund të saj. Meteorologia Lajda Porja thotë se kthjellimet dhe vranësirat do të vijojnë...

“Heydar Aliyev”, një mundësi e shkëlqyer për shqiptarët për të studiuar në Azerbajxhan

Qeveria e Republikës së Azerbajxhanit ka nderin të ofrojë “Programin Ndërkombëtar të Bursave Arsimore Heydar Aliyev për të Huajt 2025-2026”. Bursa për arsimin e...

“Berisha nuk vjen dot në pushtet”/Ngjela: Rama i sigurt për fitore, PS nuk ka konkurrencë

Avokati Spartak Ngjela foli për zgjedhjet e 11 majit dhe për partitë politike në vend. Në lidhje me parlamentaret, ai u shpreh se’ kryeministri Edi...

Basha prezanton programin/ Taksë e sheshtë 9%, fund abuzimeve me paratë publike

Drejtuesi politik i Koalicionit Euroatlantik, Lulzim Basha, i shoqëruar nga kandidatja për deputete Orjola Pampuri, zhvilloi sot takime me qytetarë, familjarë, të rinj dhe sipërmarrës...

Lajme të tjera

Web TV