“Kolla e mirë”, shtohen dy vaksina/ Bino: Rriten rastet, virusi në të gjithë rajonin

113 563 lexime

124,178FansaPëlqeje

Pas shfaqjes së rasteve me kollë të mirë në vend  komiteti i ekspertëve ka rekomanduar përforcimin  e vaksinimit tek fëmijët.  Sugjerimi është për kryerjen e dy dozave shtesë një në moshën  gjashtë dhe tjetra  në  13 vjeç.  Shefja e departamentit të sëmundjeve infektive në Institutin e Shëndetit Publik Silva Bino thotë se  skema e re do të mbulohet nga shteti dhe do të  aplikohet shumë shpejt.

“Duke qenë se ne përdorim në moshën shkollore vaksinim difteri tetanoz, komiteti i ekspertëve ka sugjeruar që kjo të jetë difeteri, tetanoz, përtus, duke përdorur në këtë rast pertusin aqelizor, sepse pertuesi qelizor nuk duhet të perdoret mbi moshën 2 vjeç, as tek gratë shtatzëna. Po ashtu komiteti ka rekomanduar, që të kryhet vaksinimi dhe në moshën 13 vjeç”.

Vaksina  qelizore  për përtusin  aktualisht kryhet  në moshën dy, katër,  gjashtë muaj  dhe dy vjeç.  Shumë prindër  shmangin  aplikimin   e saj dhe privatisht kryejnë  një tjetër lloj vaksine  jo qelizore. Bino tregon diferencën mes të dyjave.

“Vaksina qelizore vërtetë jep temperaturë dhe shpesh herë prindërit  përpiqen të mos kryejnë këtë vaksinë, por të kryejnë një tjetër që natyrisht është vaksinë e mirë, por nuk jep temperaturë, por që mbrojtjen e ka pak më të ulët sesa vaksina qelizore.  Këta prindër që kanë  vaksinuar jo me vaksinën që ofrohet brenda vendit, por me vaksinën tjetër  e kanë më të domosdoshme rivaksnimin me të dyja dozat  dhe pjesa më e madhe e fëmijëve që ne kemi parë kanë qenë femijë të vaksinuar kryesisht me skemën tjetër nuk po them që ska vlerë ajo ka vlerë sidomos tek fëmijët që kanë tendencë të bëjnë konvulsione,  të tjerë kanë indikacion terapeutik ja rekomandojmë  natyrisht vjen me koston e përseritjen e dozave”.

Me nisjen e vitit në Shqipëri u vu re një rritje e rasteve me  kollë të mirë kryesisht tek fëmijët, pas shfaqjes së saj  në  Europë  dhe vendet e rajonit. Kryesisht prek fëmijët. Kolla e fortë dhe agresive  shenja tipike  sipas mjekëve mund të zgjasë deri  në  tre muaj.  Nis  si grip, por çon deri  në penumoni dhe inflamacion të trurit.Vaksina mbron nga format e rënda dhe humbja e jetës./e.t

Të fundit

Thika me dy presa e turizmit, shtimi i pushuesve të huaj po rrit çmimet për shqiptarët

Megjithëse në sezon, zarzavatet në vend po kushtojnë më shumë. Krahasuar me një vit më parë, çmimet thuajse janë...

Europa preket nga thatësira rekord në muajt e verës, ja cilat janë shtetet më të prekura

Muajin e kaluar u regjistrua një thatësirë rekord në Europë dhe në hapësirën e Mesdheut.  Më shumë se gjysma e tokës në vendet europiane,...

Nëndetëset që po dërgon Trump afër Rusisë, mund të mbajnë afërsisht 160 koka bërthamore

Presidenti amerikan, Donald Trump ka urdhëruar që dy “nëndetëse bërthamore” t’i afrohen Rusisë, pa dhënë informacion për llojin e nëndetëses, megjithëse dyshohet se bëhet...

I martuar dhe me fëmijë/ Habit Laert Vasili: Vjen e më thotë që është i yti, perlë…

I ftuar në “Live From Tirana” në Top Albania Radio, ka qenë aktori i njohur dhe njëkohësisht finalisti i “Big Brother VIP Albania 4”,...

“Uji i ftohtë” mbulohet nga inertet, banorët: Mbetjet janë hedhur qëllimisht

Një prej simboleve historike të Vlorës, i cili prej dekadash ka funksionuar, po shkon drejt mbylljes totale të tij. Burimi i ujit tek tuneli...

Lajme të tjera

Web TV