Shqipëria dhe Franca forcojnë bashkëpunimin në administrimin e pyjeve

113 563 lexime

124,178FansaPëlqeje

Shqipëria dhe Franca do të forcojnë bashkëpunimin e tyre në administrimin e pyjeve.

Gjatë vizitës së kryeministrit Edi Rama së bashku me një delegacion zyrtar në Paris, mes ministrisë së Turizmit dhe Mjedisit të Shqipërisë dhe Agjencia Franceze për Zhvillim është firmosur një Memorandum Mirëkuptimi për të zgjeruar bashkëpunimin e tyre dypalësh në mbrojtjen e mjedisit.

Ky bashkëpunim synon të forcojë ruajtjen e biodiversitetit, menaxhimin e integruar të zonave të mbrojtura dhe menaxhimin e burimeve pyjore të vendit.

Nga ana tjetër ka për qëllim të thellojë reflektimin për mbrojtjen e zonave detare, masat kundër ndotjes së ujërave si dhe reduktimin e erozionit bregdetar, të gjitha këto, thelbësore për zhvillimin e turizmit të qëndrueshëm në bregdetin e Shqipërisë.

“Viti i Pyjeve vazhdon përtej mbjelljes së pemëve. Nën kornizën e Marrëveshjes Dypalëshe me qeverinë Franceze që u nënshkrua dje, kam privilegjin të nënshkruaj një marrëveshje të rëndësishme me Agjencinë Franceze për Zhvillim për menaxhimin e qëndrueshëm të pyjeve dhe zonave të mbrojtura. Franca është lider në administrimin dhe shëndetësimin e pyjeve dhe eksporton ekselencën franceze në këtë fushë. Agjencia Franceze për Zhvillim është tashmë një partner shumë i rëndësishëm i Ministrisë së Turizmit dhe Mjedisit në projektet e mëdha të ekonomisë qarkulluese dhe menaxhimit të mbetjeve, ndaj s’mund të gjenim aleat më të mirë dhe në kohën e duhur siç është Viti 2024 i Pyjeve, për të ndërtuar një urë të re bashkëpunimi që do të na ndihmojë me ekspertizën më të mirë të administrimit të pyjeve si pasuri kombëtare”, shkruan Kumbaro.

Ky memorandum Mirëkuptimi i nënshkruar në Paris, shpreh angazhimin e përbashkët për zbatimin e programeve për shkëmbimet dhe përfitimet e ndërsjellta në fushat prioritare të biodiversitetit dhe ruajtjes së burimeve natyrore.

Lexo edhe :  Spiropali: Shqipëria qëndron krah Ukrainës, mbështesim sanksionet ndaj Rusisë

/O.S

Të fundit

Frikë nga programi bërthamor, bota po rikthen sanksionet e OKB kundër Iranit

Mbretëria e Bashkuar, Franca dhe Gjermania kanë filluar procesin e rivendosjes së sanksioneve të mëdha të OKB-së ndaj Iranit....

1991 – Vrasja e Libero Grassi: Një qëndrim i guximshëm kundër Mafias në Sicili

Më 29 gusht 1991, në qytetin e Palermos, Libero Grassi, një biznesmen italian, u vra brutalisht nga Mafia Siçiliane në moshën 67-vjeçare. Ai ishte...

BSH: Kreditimi i ekonomisë u frenua në muajin korrik

Kreditimi i ekonomisë u ngadalësua lehtë në muajin korrik. Sipas Bankës së Shqipërisë, kredia e re për korrikun kishte vlerën e 28.9 miliardë lekëve,...

Avioni F-16 rrëzohet gjatë provave ajrore, vdes piloti!

Një avion F-16 i Forcave Ajrore Polake është rrëzuar dhe më pas ka shpërthyer në flakë. Sipas mediave të huaja, ngjarja ndodhi teksa F-16 po...

Mungesë apo zgjedhje?! Ja pse njerëzit e zgjuar preferojnë të rrinë vetëm

Shumë njerëz mendojnë se vetmia është pasojë e mungesës së aftësive sociale apo e mungesës së miqve përreth. Por, faktet tregojnë se edhe kur...

Lajme të tjera

Web TV