Prokuroria e Tiranës ka urdhëruar riekspertim të shkaqeve të zjarrit që ndodhi në katin e nëndheshëm të Urgjencës së Spitalit Universitar “Nënë Tereza”.
Raportohet se ekspertiza bëhet me qëllim specifikimin teknik të restaurimit dhe si janë kryer punimet. Mësohet se janë pyetur një sërë personash, kryesisht teknikë, të cilët kanë dhënë sqarime rreth shkaqeve që ata shikojnë të mundshme, kushteve të sigurisë apo cilësisë së pajisjeve apo mjeteve.
Më herët Prokuroria e Tiranës ka sekuestruar dosjen e tenderit të Ministrisë së Shëndetësisë lidhur me rikonstruksionin e urgjencës së QSUT.
Zjarri në Ugjencën e QSUT-së ndodhi më 11 shkurt. Deri më tani është jashtë funksionit Urgjenca e Kardiologjisë dhe ajo e Sëmundjeve të Brendshme.
Pacientët që kanë nevojë për trajtim mjekësor duhet t’i drejtohen Sanatoriumit, spitalit Rajonal Memorial të Fierit dhe Spitalit të Shkodrës./e.t
