Sipas një raporti të Associated Press (AP), shefi i politikës së jashtme të BE-së, Josep Borrell, tha se regjimi ekzistues i sanksioneve të BE-së ndaj Iranit do të forcohet dhe zgjerohet për të ndëshkuar Teheranin për sulmin e tij dhe për të ndihmuar në parandalimin e atyre të ardhshëm në Izrael.
Në të njëjtën kohë, tha ai, Izraeli duhet të vetëpërmbahet.
“Nuk dua të ekzagjeroj, por ne jemi në prag të një lufte, një lufte rajonale në Lindjen e Mesme, e cila do të dërgojë valë shokuese në pjesën tjetër të botës, dhe në veçanti në Europë,” paralajmëroi ai. “Pra, ndalojeni.”
Të mërkurën, liderët e BE-së në takim në Bruksel u zotuan të rrisin sanksionet ndaj Iranit për të synuar dërgesat me dron dhe raketa për përfaqësuesit në Gaza, Jemen dhe Liban./e.t
