Skemat lehtësuese të OSHE për klientët debitorë: Në prill u mbyllën 677 aktmarrëveshje

113 563 lexime

124,178FansaPëlqeje

OSHE ka implementuar prej 3 prillit disa skema të reja lehtësuese me qëllim shlyerjen e detyrimeve të papaguara nga klientët debitorë.

Sipas kompanisë deri më tani, falë këtyre politikave të reja, janë mbyllur 677 aktmarrëveshje brenda muajit prill 2024.

Këto skemat e reja lehtësuese kanë si objektiv reduktimin e kamatvonesës së përqindje të ndryshme në varësi të kategorizimit të debitorëve.

Për të përfituar nga këto skema klientët debitorë duhet të shlyejnë fillimisht shlyejnë faturat e energjisë elektrike nga viti 2023 dhe në vazhdim, pasi këto skema lehtësuese përfshijnë detyrimet e papaguara ndaj OSHEE për periudhën para 31 dhjetorit të vitit 2022.

Klientët të klasifikuar si familjarë përfitojnë reduktim të kamatëvonesës në masën 70%, në rast të shlyerjes së gjithë detyrimit përnjëherësh, ndërsa klientët jo familjarë, buxhetorë dhe jo buxhetorë përfitojnë reduktim të kamatëvonesës në masën 50%, në rast të shlyerjes së gjithë detyrimit përnjëherësh.

Ndërsa kategoria klientë jo familjarë – biznes i vogël përfitojnë reduktim të kamatëvonesës në masën 100%, në rast të shlyerjes së gjithë detyrimit përnjëherësh.

“Skemat lehtësuese ndryshojnë për secilën kategori në varësi të statusit social të tyre dhe debisë që kanë me OSHEE Group.

Ne jemi kujdesur veçanërisht për kategoritë më të ndjeshme të shoqërisë, për klientët familjarë me ndihmë ekonomike, pensionistë-kryefamiljarë dhe klientët me status të veçantë, të cilët përfitojnë këste akoma më lehtësuese dhe që shtrihen më gjatë në kohë, krahasuar me kategoritë e tjera.

Theksojmë se klientët familjarë përfitojnë reduktim të kamatëvonesës në masën 70%, në rast të shlyerjes së gjithë detyrimit përnjëherësh”, deklaron për mediat drejtori i Drejtorisë së Marrëdhënieve me Klientin në FSHU, Marsed Harizi.

Lexo edhe :  Turi me diasporën/ Muzikë dhe flamuj, shqiptarët e Italisë ‘ndezin’ stadiumin në Milano

Në skemat e aktmarrëveshjeve që do të zbatohen gjatë këtij viti, do të përfshihen gjithashtu edhe detyrimet e papaguara nga faturat; dëm ekonomik, fatura sistemuese, fatura testim matësi, fatura korrektive që i përkasin vitit 2023 e në vijim./kb

Të fundit

Merret vendimi, vizitorët do paguajnë më shumë për të vizituar Kullën Eiffel

Këshilli i qytetit të Parisit ka rritur çmimin e hyrjes në Kullën Eiffel për të mbledhur më shumë para...

Pse flamingot janë rozë?

Flamingot janë të njohur për pendën e tyre të gjallë rozë, e cila mahnit vëzhguesit në mbarë botën. Faktori mbizotërues që kontribuon në ngjyrën...

Asfaltimi i rrugëve në Farkë, Veliaj: I japim vlerë si qendrës, ashtu edhe periferisë

Ekipet e terrenit në Bashkinë e Tiranës kanë vijuar punën asfaltimin e rrugëve në zonën e Farkës, në kryeqytet. Veliaj shprehet se puna po vijon...

Profesionet e lira/Drejtoria e Tatimeve sqaron përditësimin e kodit ekonomik për bizneset

Drejtoria e Përgjithshme e Tatimeve ka sqaruar se bizneset që nuk ofrojnë shërbime profesionale sipas përcaktimeve të vendimit me listën analitike, por ndërkohë figurojnë...

Këshilli i Sigurimit i OKB-së në takim urgjent pas sulmit në Rafah

Këshilli i Sigurimit i Kombeve të Bashkuara do të mbajë të martën një takim urgjent, pas sulmeve izraelite që kanë lënë të vrarë dhjetëra...

Lajme të tjera

Web TV