Vijon operacioni i SPAK në disa qytete të vendit pas lëshimit të 50 urdhër-arresteve për kapjen e “kokave” të krimit.
Mes urdhër-arresteve të firmosura nga GJKKO me kërkesë të SPAK është dhe emri i Naim Stafukës, vëllai i Enver Stafukës, i cili u rrëmbye dhe u zhduk në shkurt të 2015 në Fushë-Krujë. Për Enver Stafukën ende nuk dihet asgjë.
Ndërsa Naim Stafuka është arrestuar nga policia orët e fundit.
Vëllai i Naimit, Enver Stafuka u akuzua për vjedhjen në bashkëpunim të automjetit që u përdor në vrasjen e komisarit Dritan Lamaj, por gjykata e nxori të pafajshëm.
Në pamjet e regjistruara nga kamerat e sigurisë të një lokali në qendër të qytetit të Fushë-Krujës, Stafuka u mor me forcë nga tre persona të veshur si policë dhe të maskuar.
Mjaftuann 50 sekonda që grabitësit të neutralizojnë 48-vjeçarin dhe e futën në bagazhin e një makine tip “Golf”.
Makina më pas është nisur në drejtim të autostradës, ndërsa kanë qenë të afërmit ata që kanë njoftuar forcat e policisë për këtë ngjarje./E.T
