Finalja e “Final Four” do të jetë Partizani – Egnatia. Skuadra rrogozhinase arriti të kualifikohej në ndeshjen vendimtare të titullit pasi barazoi 0-0 me Vllazninë në “Air Albania”. Barazimi, në këtë rastm favorizonte ekipin e drejtuar nga Edlir Tetova, që e mbylli sezonin e rregullt në vend të parë.
Emocione deri në sekondat e fundit, pasi shkodranët e kërkuan me ngulm golin, por që e pamundur për ta që ta dërgonin topin në rrjetë.
Gjithsesi, Egnatia e meritoi kualifikimin në finalen e madhe të “Final Four” për gjithçka ka dha në këtë gjysmëfinale, por edhe gjatë gjithë sezonit.
Gjatë pjesës së parë Egnatia e gjeti golin me Zejnullain, por pas ndërhyrjes së VAR-it u anulua për prekje të topit me dorë në zhvimin e aksionit.
Vllaznia e rriti presionin me nisjen e pjesës së dytë, megjithatë rastin e parë të pastër në këtë fraksion e pati Zejnullai, që bëri të fluturonte portieri Qarri.
I pafat Bekim Balaj pasi një krosimi nga e majta, goditja me kokë e sulmuesit shkodran shumë pranë zonës së portierit të Egnatias dhe i pambuluar përfundoi mbi tra.
Momente frike në fundin e ndeshjes për shëndetin e Zejnullait, që bie keq në tokë pas një dyluftimi ajror. Fatmirësist, nuk ishte e nevojshme që të dërgohej në spital me ambulancë.
Minuta ankthi në fund në zonën e Egnatias, por Vllaznia e pati të pamundur të gjente golin që do t’i jepte finalen.
