test

Prodhimi vendas ikën në eksport, konsumatorët ushqehen me importe

113 563 lexime

124,178FansaPëlqeje

Importi i zarzavateve dhe frutave u thellua më tej në prill të këtij viti, teksa prodhimi vendas në sera ka hyrë në kulmin e tij.

Të dhënat nga INSTAT tregojnë se importi i zarzavateve në vlerë u rrit ne 73 për qind në 4-mujorin e parë të vitit 2024 në raport me të njëjtën periudhë të një viti më parë. Rritje me 25 për qind kishte edhe importi i frutave në të njëjtën periudhë.

Në anën tjetër eksportet e zarzavateve shënuan rritje vjetore në vlerë me 12% në janar-mars 2024, ndërsa frutat shënuan rënie me 5.5%.

Eksporti i zarzavateve në vlerë ishte 4,2 miliardë lekë janar -prill 2024 dhe importi i tyre ishte 2,1 miliardë lekë.

Ekspertët në sektorin e bujqërisë pohojnë se zhvillimet brenda sektorit janë duke konsoliduar bujqësinë në ferma të mëdha, teksa bujqësia e ngastrave dhe tufave të vogla po shkon drejt zhdukjes.

Më herët fermat e vogla familjare kanë furnizuar tregun e brendshëm, ndërsa serat kanë prodhuar kryesisht për eksport. Të gjithë fermerët e serave me sipërfaqeve mbi 2 dynym janë të lidhur me eksportin, teksa serat e vogla dhe prodhimet e fushës sa po vijnë e po reduktohen si rrjedhojë e pakësimit dhe plakjes së popullsisë në zonat rurale të vendit.

Pothuajse nuk ekzistojnë më tregjet e fshatarëve që më parë shisnin prodhimet e bujqësore dhe blegtorale, duke bërë që tashmë shumë bujq të kthehen nga prodhues në konsumatorë. Rritja e turizmit në anën tjetër po shton nevojën për perimet dhe frutat e stinës, duke ndikuar në zgjerimin e kërkesës dhe në më shumë importe në këtë kategori.

Shqipëria ende ka suficit në tregtinë e zarzavateve, por importet po rriten me shpejtësi në krahasim me eksportet, duke sinjalizuar shumë shpejt se do të jemi me deficit.

Lexo edhe :  A jemi para një rënie ekonomike? Ekonomistët: Shikoni buzët e vajzave!

Të dhënat tregojnë se rritja e importeve të zarzavateve u bë më agresive gjashtë dhjetorit të vitit të kaluar dhe në janar 2024. Në dhjetor 2023, importet e zarzavateve u rritën me 80% në krahasim me të njëjtën periudhë të vitit 2022, dhe gjithashtu importi i frutave për të njëjtën periudhë u rrit me 55%. Ky trend po qëndron i lartë edhe në prill, ndonëse sezoni i prodhimit vendas për zarzavatet në sera është në kulmin e tij.

Në tërësi, importet e ushqimeve janë rritur ndjeshëm këtë vit. Një pjesë e prodhimit vendas po zëvendësohet me import. Situata e krijuar ka nxitur çmime më të larta në grupet që nuk prodhohen në vend. Ekspertët lajmërojnë se reduktimi i prodhimit ekspozon vendin ndaj krizave të jashtme dhe monopoleve të grupeve të importit.

Turizmi është në shans i mirë për bujqësinë nëse konsumi i tij lidhet me prodhimin vendas. Turistët ndër të tjera kërkojnë receta tradicionale të bazuara në prodhim vendas. Por është e qartë se me zhvillimet aktuale në bujqësi, prodhimet tonë rrezikojnë të përmbushin kërkesën e turistëve, duke bërë që këta të fundit të bëhen shkak për rritjen e importeve./Monitor/    S.M

Të fundit

Kombëtarja në prag të sfidës me Italinë/ Selia e PD vishet me ngjyrat kuq e zi

Selia e Partisë Demokratike është "veshur" me ngjyrat kuq e zi në nisje të Euro 2024. Teksa kanë mbetur...

Media italiane ‘SiViaggia’: Udhëtim në kryeqytetin modern shqiptar, Tiranë

Udhëtim në kryeqytetin shqiptar. Zbuloni se cilët janë muajt më të mirë për të vizituar Tiranën dhe për të shijuar qytetin plot me atraksione...

Shanset 50-50 për Itali-Shqipëri, modeli statistikor i parashikon 58%-42%

Nga Eduard Zaloshnja Nga një model simulacionesh statistikore që kam ndërtuar qysh në dhjetor për “Panorama Sport” (dhe që e kam përditësuar deri ditët e...

Dorëheqja e Ceno Klosit/ Elidjana Çela drejtoreshë e përgjithshme e Tatimeve përkohësisht

Elidjana Çelaj është emëruar përkohësisht drejtoreshë e përgjithshme e Tatimeve, pas lirimit nga detyra të ish-drejtorit të përgjithshëm Ceno Klosi. Në urdhrin e Ministrit të...

Grafite në muret e ambasadave hungareze e sllovake, mesazhe nga gjenocidi në Srebrenicë

Grafite me numrin 8.372 - që është numri zyrtar i viktimave të gjenocidit në Srebrenicë më 1995 - u vendosën  dje (14 qershor) në...

Lajme të tjera

Web TV