Të gjithë e kemi përjetuar të paktën një herë në jetë këtë situatë: duke parë perëndimin e diellit në oborrin e shtëpisë apo në ballkon apo ulur në një plazh, pra një ditë perfekte vere që papritmas prishet nga një mushkonjë që vjen rrotull.
Ndoshta, ju keni provuar të gjitha metodat nga sprucuesit e ndryshëm që keni blerë në farmaci për largimin e këtyre insekteve të bezdisshme që shfaqen kudo sidomos në verë, te praktikat popullore. Por, e dini që bimët janë një alternativë për të larguar mushkonjat nga shtëpia apo ambientet ku rrini?
Falë aromës së fortë, ato kanë aftësinë për t’i mbajtur larg mushkonjat! Nëse nuk keni shtëpi private dhe tashmë i keni në kopshtin tuaj, mund të mbillni disa të tilla në vazo dhe të shijoni një verë të qetë dhe me sa më pak shqetësim nga mushkonjat.
-Livandoja: E njëjta bimë që ka erë aq të këndshme për njerëzit është shumë e fortë për mushkonjat, të cilat nuk afrohen nëse ndjejnë aromën e saj.
-Krizantema: Kjo lloj luleje ka një përbërje kimike që vepron si insekticid natyral (lëng kundër insekteve).
-Menteja: Kopshtarët e dinë se menteja rritet si barërat e këqija dhe “pushton” gjithçka me aromën e saj, por kjo vlen edhe për fuqitë e saj kundër mushkonjave. .
-Borziloku: Aroma e mprehtë e borzilokut është fantastike për të mbajtur larg mushkonjat.
-Rozmarina: Ashtu si borziloku, rozmarina është një barishte që shumica e njerëzve e duan, por mushkonjat e urrejnë për shkak të aromës së fortë.
-Nenexhiku: Si një “central” për vlerat ushqimore që ka në kuzhinë, në recetat ku përfshihet, nenexhiku është një ide e mirë për të mbajtur larg mushkonjat. Sidomos, nëse e thani dhe e mbani në vende të ndryshme në shtëpi.
-Eukalipti: Eukalipti lëshon shumë aromë kur është i ngrohtë, kështu që mbajeni në diell ose digjni gjethet kur keni nevojë që insektet të zhduken.
-Sherebelë: Një ide e mirë për ta përfshirë në ëmbëlsira apo gatime të ndryshme, por njëherësh kjo bimë është fantastike për të larguar mushkonjat.
-Trumza: Thërrmimi i gjetheve të trumzës lëshon vajra që largojnë mushkonjat. Djegia e gjetheve është po aq efektive për çlirimin e erës, që do të thotë se kjo barishte krijon mbrojtje efektive për netët ku mushkonjat bëjnë namin./E.Ç
