“Më mirë vetëm se sa i shoqëruar keq”, këtë thonë shprehjet popullore… por kur vjen puna te gjumi, është më mirë të flini vetëm apo me partnerin?
Për shkencën, ende nuk ka një përgjigje të qartë. Me fjalë të tjera, gjumi është një çështje kaq personale saqë secili ka preferencat e veta. Megjithatë, një gjë është e sigurt: gjumi i mirë është thelbësor për shëndetin tuaj, por edhe për jetën tuaj në çift.
Megjithatë, mbi të gjitha falë trendit të lançuar nga disa të famshëm, i ashtuquajturi ‘Sleep Divorce’ (divorc gjumi), duke fjetur në shtretër të veçantë, po bëhet gjithnjë e më popullor. Në këtë kontekst, Emma – The Sleep Company, një markë lider në botë në sektorin e gjumit, donte të ndante disa këshilla për të ndihmuar mirëqenien e çiftit duke filluar nga gjumi.
Duke qenë një komponent integral i shëndetit tonë të përgjithshëm, cilësia e gjumit në asnjë mënyrë nuk duhet të neglizhohet. Divorci i gjumit lindi nga supozimi se gjumi veçmas mund të ndihmojë gjithashtu në përmirësimin e marrëdhënies. Sidomos në rastet kur gjumi i përbashkët, për arsye të ndryshme mund të mos jetë i rehatshëm.
Gjumi ynë jo i mirë dhe pa plotësuar orët e mjaftueshme, ndikon në produktivitetin tonë tonë ditën tjetër dhe sigurisht që nuk na ndihmon të jemi partnerë të dashur. Mund ta gjejmë veten lehtësisht të acaruar dhe të inatosur ndaj personit tjetër, veçanërisht nëse ato janë shkaku i gjumit tonë të dobët.
Kjo tezë u konfirmua edhe nga një studim i Universitetit Shtetëror të Ohajos, i cili zbuloi se cilësia e dobët e gjumit rrit problemet e komunikimit dhe konfliktet në çift. Për më tepër, pa energji, do të ishim më pak të prirur të kalonim kohë me partnerin tonë. Në planin afatgjatë, kjo mund të jetë e dëmshme për çiftin dhe madje të çojë në një ndarje.
Për më tepër, duhet mbajtur mend se kontakti fizik çliron oksitocinën, hormonin e dashurisë, i cili ka efekte pozitive si në stres, ashtu edhe në lidhjen tonë me partnerin. Në këtë drejtim, një studim i fundit zbuloi se gjumi së bashku me partnerin përmirëson intimitetin dhe sinkronizon rrahjet e zemrës./E.Ç
