Këtë vit, eksportet e frutave shënuan rritje krahasuar me një vit më parë. Ministrja e Bujqësisë dhe Zhvillimit Rural, Anila Denaj, tha se, eksportet e frutave dhe perimeve gjatë muajit qershor arritën një sasi prej 47,030 tonësh, me një vlerë prej 2.2 miliardë lekësh.
Sipas saj, performanca pozitive e sektorit bujqësor, me një rritje prej 31% krahasuar me qershorin e vitit 2023, tregon punën e fermerëve tanë për të ofruar cilësi konkurruese të produkteve shqiptare në tregun ndërkombëtar./ S.M
