Mos morisë së kënaqësive e pakënaqësive që janë thënë këtë verë për kushtet e turizmit, një çështje e rëndësishme, që nis qysh prej prillit, është sigurimi i fuqisë punëtore për industrinë e turizmit. Është e vërtetë, të rinjtë po joshen çdo vit e më shumë të punojnë në bregdet, por jo se pagat, meqë kanë arritur një mijë euro, quhen të larta. Së pari, askush nuk e di stërmundimin e tyre, dhe ç’është më e rëndësishmja, puna e këtyre të rinjve fillon kryesisht në orën 8.00 të mëngjesit (edhe me heret) dhe me pak pushim pasditeje që nuk i kalon dy orët, vijon sërish, për të përfunduar në orën 1 apo 2 të natës. Bëjini llogaritë vetë!
Për tre, katër muaj këta të rinj nuk ngopen asnjë ditë me gjumë, sepse nuk kanë asnjë ditë pushim. Krahasuar me tregun, shifra që vlerësohet puna e tyre mund të tingëllojë e lartë, sepse ka qenë dikur shumë e ulët, por është shumë më pak nga cfarë meritojnë. Sigrisht, shërbimi i tyre plotësohet edhe me bakshishet që fitojnë gjatë ditës, përndryshe nuk do kishin shkuar. Pastaj, sa mundësi të tjera kanë për të punuar në vendet nga vijnë!? Asnjë! S.B
