Antonio Cassano vazhdon të mos i kursejë kritikat dhe qëndrimet e drejtpërdrejta për tema të caktuara.
Këtë herë, ish sulmuesi italian ka folur për situatën e Napolit, skuadër e cila po përjeton një sezon pozitiv nën drejtimin e trajnerit Antonio Conte.
Sipas tij, napolitanët po performojnë mjaft mirë në kampionatin italian, ndërsa nuk hezitoi të ironizojë hapur sulmuesin, Romelu Lukaku, të cilin e sheh si problem serioz për vazhdimësinë e kësaj skuadre.
“Deri tani, puna e Contes ka qenë e jashtëzakonshme, por ai po luan me një lojtar më pak. E kam fjalën për Lukaku. Në fakt, ai është një problem i madh. Nuk e di nëse do ta arrijë ndonjëherë atë që kishte tek Interi”, tha ai.
