Përmbyja e regjimit të Bashar al Assad ka bërë që me mijëra refugjatë të rikthehen në Damask. Euforia në vend pas zhvillimeve të stuhishme të fundjavës është e dukshme. Kolonat e makinave që kthehen në Damask janë gjithashtu të mëdha.
Megjithatë, pas rënies së Bashar al-Assad, disa vende evropiane kanë pezulluar shqyrtimin e kërkesave siriane për azil. Kështu, Qeveria e përkohshme e Austrisë ka ndaluar të gjitha kërkesat për azil nga sirianë dhe thotë se po bën plane për të riatdhesuar ose deportuar njerëzit në vendin e tyre, duke argumentuar se situata në vend ka ndryshuar rrënjësisht.
Në të njëjtën mënyrë kanë vepruar dhe Gjermania e cila shquhet si shtëpia që ka strehuar gati 1 milionë sirianë, si dhe Britania e Madhe, Franca, Norvegjia, Danimarka dhe Suedia të cilat po merrem me prodecurat për ti ngrirë këto kërkesa.
