Nëse je duke kërkuar një vend që të ofron cilësinë më të mirë të jetesës, Zyrihu është zgjedhja ideale. Në këtë përfundim del raporti vjetor “Mercer” e cila favorizon qytetin e Zvicrës si më të përshtatshmin për qytetarët që kanë pretendime mbi kushtet me të cilat duan të jetojnë.
Mercer, i cili merr në konsideratë variabla si strehimi, rekreacioni, mjedisi socio-kulturor, praktikat e blerjes, udhëtimet, trafikun, cilësinë e ajrit dhe aksesin në arsim, gjykon Zyrihun si vendin që i përmbush të gjitha këto kritere, duke u pozicionuar i pari në rangun global.
Zyrihu kryeson listën falë shërbimeve të shkëlqyera publike, kriminalitet të ulët dhe një tabloje kulturore të gjallë, të gjitha të mbështetura nga një infrastrukturë efikase dhe një angazhim i vazhdueshëm. Gjithashtu, për vitin 2024, Zyrihu ka përmirësuar lidhjet e tij me aeroportet, duke rritur numrin e fluturimeve nga dhe për në kontinente të tjera. Pas tij vjen Vjena, ndërkohë Gjeneva është rankuar në vendin e 3-të, duke përmirësuar dy pozita që nga viti i kaluar.
/E.S
