Futbollisti i Chelseat, Mykhailo Mudryk rezultoi pozitiv në një test dopingu.
Ukrainasi rrezikon deri në 4 vite pezullim nga futbolli. Lajmi është publikuar nga portali ukrainas Tribuna.
Sipas raportimeve, kampioni i parë i testit të sulmuesit të Chelseat, i kryer tetorin e kaluar, përmbante një substancë të ndaluar. Lojtari do të duhet t’i nënshtrohet analizës së një kampioni B dhe nëse kjo gjithashtu rezulton pozitive, Mudryk do të rrezikonte një pezullim deri në katër vjet.
Vetë futbollisti mohon rezultatin e testit, ku thotë se “e di që nuk kam bërë asgjë të gabuar dhe vazhdoj të shpresoj të kthehem në fushë sa më shpejt të jetë e mundur.”/ D.C
