Reshjet e muajit dhjetor kanë shkaktuar një rritje të nivelit të ujit në liqenin e Ulzës, duke çuar në grumbullimin e mbeturinave të shumta në afërsi të digës së HEC-it, të cilat vijnë nga “Kaptina e Martaneshit”, burimi i lumit Mat. Mbeturinat që kanë mbuluar sipërfaqen e liqenit, kanë krijuar një imazh të shëmtuar për zonën.
Banorët e zonës kanë shprehur shqetësimin se edhe pse kishte pasur premtime se mbeturinat do të largoheshin mbeturinat nga sipërfaqja e liqenit, kjo nuk po ndodhte.
Përveç ndotjes vizuale, banorët theksojnë se prania e mbetjeve plastike ka ndikim negativ në ekosistemin e liqenit, duke dëmtuar peshqit dhe duke rrezikuar ekonominë nënujore të zonës.
Një tjetër shqetësim i madh është mundësia e shkarkimit të mbetjeve në liqenin e Shkopetit, nëse ato nuk mblidhen para shkarkimeve nga diga e HEC-it të Ulzës.
Me turizmin që është i frekuentuar gjatë kësaj periudhe, kjo mund të ketë pasoja të rënda për vizitorët dhe për ekonominë e zonës./e.t
