Shtetet e Bashkuara kanë vendosur sanksione ndaj miliarderit gjeorgjian Bidzina Ivanishvili, ish-kryeministër dhe udhëheqës de fakto i Gjeorgjisë, duke e akuzuar për minimin e të ardhmes demokratike të vendit dhe për mbështetje të veprimeve pro-Rusisë.
Sekretari i Shtetit, Antony Blinken, tha se Ivanishvili po sanksionohet për “veprime që minojnë proceset dhe institucionet demokratike” dhe për favorizimin e interesave të Federatës Ruse.
Sanksionet u vendosën pas ndryshimeve të politikës gjeorgjiane, ku partia e Ivanishvili, ‘Ëndrra Gjeorgjiane’, është kritikuar për rritjen e lidhjeve me Rusinë dhe ngadalësimin e përpjekjeve për t’u anëtarësuar në Bashkimin Evropian. Ky vendim pasoi protesta masive dhe shtypjen e opozitës, përfshirë arrestimin e mbi 400 protestuesve.
Në përputhje me sanksionet, çdo pasuri e Ivanishvili në Shtetet e Bashkuara do të ngrihet, duke e goditur atë dhe aleatët e tij financiarisht. Kjo vjen pas një periudhe tensioni mes Gjeorgjisë dhe Perëndimit, me akuzat për manipulim të zgjedhjeve dhe për një kalim të mundshëm drejt një regjimi më autoritar./ S,M
