“3 foto, 3 histori të ndryshme”, kështu vjen kësaj here në studion e “Rudina” në Tv Klan Irini Qirjako. Në një intervistë ndryshe këngëtarja e njohur ndan tre nga momentet më të rëndësishme në jetën e saj.
Krah bashkëshortit të saj, e veshur me vello dhe fustan nusërie Irini Qirjako tregon historinë e shkurtër që fshihet pas fotos martesore, ku shton se ajo vetë nuk ka dashur që të bëjë një dasmë, por ishin pikërisht fjalët e ndjera të vjehrrit të saj ato të cilat e bindën. Teksa më tej kujton momentin kur u bë nuse e u vesh me fustanin e bardhë.
Irini Qirjako: Kunata ime e cila ishte artiste, violonçeliste, ishte pedagoge. Ajo gjeti një balerinë të Operas e cila bënte nuse shquheshe ajo. Ajo më bëri nuse.
Rudina Magjistari: Po fustanin e bardhë?
Irini Qirjako: Ma gjetën njerëzit e burrit. Po unë nuk doja që të bëhesha nuse një herë. Nuk doja dasmë. Mamaja ime nuk bëri dasmë se nuk kishte këllqe. 6 fëmijë ishin në gjendje të keqe. Dhe unë nuk doja që të bëja dasmë, por për të më bindur erdhi vjehrri. “Të keqen babai bija ime! Unë një djalë të vetëm kam. Dua të bëj një dasmë të madhe për djalin, ti të vishesh nuse dhe djalin ta bëj dhëndër”, më tha.
Rudina Magjistari: Ti në atë kohë ishte këngëtare e njohur?
Irini Qirjako: Jo nuk kisha filluar akoma, por e kisha vetë që nuk doja./ S,M
