Shkencëtarët kanë përcaktuar se plakja e trurit arrin kulmin në moshën 57, 70 dhe 78 vjeç. Ata shpjeguan se si arritën deri te ky zbulim.
Në hulumtimin, rezultatet e të cilit u publikuan në revistën profesionale “Nature“, u analizuan të dhënat e skanimit të trurit të më shumë se 10,000 të rriturve. Janë analizuar ndryshimet në proteinat e gjakut. Ata identifikuan 13 proteina të lidhura me rënien njohëse dhe zbuluan se ndryshime të rëndësishme në tru ndodhin në moshën 57, 70 dhe 78 vjeç.
Lajmi i mirë është se ka mënyra se si mund të ngadalësoni plakjen e trurit.
Për shembull, ngrënia e peshkut, bishtajoreve, arrave dhe drithërave të plota mund të parandalojë rënien njohëse dhe të përmirësojë kujtesën. Perimet me gjethe janë gjithashtu të mbushura me lëndë ushqyese thelbësore që përmirësojnë shëndetin e trurit. Të gjitha këto ushqime janë të përfshira në dietën mesdhetare.
Hulumtimet e mëparshme sugjeruan se marrja e një multivitamine ditore mund të jetë një mënyrë e lehtë për të moshuarit për të parandaluar rënien njohëse.
Sigurisht, nuk duhet të harrojmë rëndësinë e aktivitetit fizik./E.T
