Kryeministri kanadez Justin Trudeau njoftoi dorëheqjen e tij të hënën, duke thënë se synon të largohet nga posti i lartë dhe si lider i Partisë Liberale në pushtet të Kanadasë pasi të zgjidhet një lider i ri i partisë.
“Unë synoj të jap dorëheqjen si lider partie, si kryeministër, pasi partia të zgjedhë liderin e saj të ri. Parlamenti i Kanadasë do të pezullohet deri më 24 mars ndërsa zgjidhet një udhëheqës i ri i Partisë Liberale”, u tha udhëheqësi 53-vjeçar gazetarëve në një konferencë shtypi në Otava të hënën.
Trudeau ka ndarë gjithashtu një peng që i ka ngelur në kohën që drejtonte qeverinë kanadeze.
Ai u shpreh se ishte i keqardhur që nuk arriti të reformojë procesin zgjedhor të Kanadasë, përpara zgjedhjeve të përgjithshme që priten këtë vjeshtë.
“Do të doja që të kishim qenë në gjendje të ndryshonim mënyrën se si i zgjedhim qeveritë tona në këtë vend, në mënyrë që njerëzit të mund të zgjidhnin thjesht një zgjedhje të dytë, ose një zgjedhje të tretë në të njëjtën fletëvotim”, tha ai./K.B
