Yamal do të mbajë veshur fanellën me numrin 10 në sezonin e ardhshëm. Ky është vendimi i marrë nga klubi katalanas, për fanellën që aktualisht e mban Ansu Fati.
Largimi i Ansu Fati është çështje kohe dhe do të jetë nderi i Yamal të mbajë fanellën legjendare. Sulmuesi i përfaqësueses së Spanjës ka numrin 19 mbi supe. Kështu ecën nën hapat e Messit.
17-vjeçari është tashmë një kryefjalë te Barcelona. Prej dy sezonesh, impakti i tij është i dukshëm në fazën ofensive. Shpërthimin e pati në verë te Spanja me të cilën fitoi Europianin e Gjermanisë.
Duke mbajtur numrin 10, Yamal do të veshë një fanellë që e kanë pasur më parë dhe lojtari si Ronaldinho dhe Romario./ D.C
