Mijëra njerëz në mbarë botën kanë raportuar se nuk janë në gjendje të përdorin platformën më të njohur në botë të inteligjencës artificiale (AI), ChatGPT.
Downdetector, i cili gjurmon ndërprerjet e faqeve në internet, tregoi se më shumë se 10,000 njerëz raportuan se chatbot i AI, i krijuar nga OpenAI, nuk po punonte që prej orës orës 11:00, citon BBC.
Përdoruesit që tentonin ta përdorin atë u ndeshën me një mesazh që lexonte “serveri i uebit raportoi një gabim”.
OpenAI nuk ka komentuar ende publikisht rreth kësaj situate të krijuar.
Megjithatë, shumë njerëz janë drejtuar në rrjetet sociale për këtë ndërprerje.
Faqja e statusit të ChatGPT tha se aplikacioni kishte “përjetuar nivele të larta gabimi” dhe firma ishte “aktualisht duke punuar për këtë problem”.
Megjithëse shumë njerëz përdorin versionin falas të chatbot-it, firma tarifon deri në 200 dollarë në muaj për nivelet e ndryshme të anëtarësimit.
Shefi i OpenAI Sam Altman tha në dhjetor se ChatGPT përdoret çdo javë nga më shumë se 300 milionë njerëz në mbarë botën, shkuan më tej BBC.
Ai vjen pasi firmat e teknologjisë duke përfshirë OpenAI premtuan një investim prej 500 miliardë dollarësh (405 miliardë £) në infrastrukturën e AI në SHBA./ S,M
