Ndërsa shkencëtarët dhe eksploruesit kanë arritur të zbulojnë dhe dokumentojnë shumë nga misteret e Tokës, ende ka pjesë të planetit që mbeten të fshehura nën petkun e misterit. Nga thellësitë e oqeaneve të pa eksploruara deri tek pyjet e dendur tropikalë, shumë ekosisteme vazhdojnë të fshihen për njerëzimin.
Këto zona të panjohura mbartin jo vetëm mundësi për të zbuluar species të reja, por edhe për të kuptuar më thellë rreth forcave natyrore që formojnë planetin tonë.
Ishulli i Sentinelit të Veriut – Ky ishull ndodhet në arkipelagun Andaman midis Mianmarit dhe Indonezisë, në Oqeanin Indian. Është i banuar, por të huajt nuk kanë qenë kurrë atje. Sa herë që njerëzit nga jashtë përpiqeshin të vizitonin ishullin, ata u ndeshën me armiqësi nga banorët vendas. Ishulli ka të ngjarë të ketë florën dhe faunën e tij unike, por askush nuk e di se çfarë përbën.
Pyjet tropikale të Amazonës – Me një sipërfaqe prej 5,500,000 km katrore, nëntë vende në total ndajnë pjesë të pellgut të Amazonës, megjithëse shumica e pyjeve tropikale ndodhet brenda Brazilit. Një pjesë e madhe e pyjeve tropikale të Amazonës mbetet e pa eksploruar edhe sot e kësaj dite.
Liqenet akullnajore të Antarktidës – Këto janë liqene të gjetura nën akullnajat që nuk janë studiuar kurrë në miliona vjet. Ka rreth 400 liqene të njohura akullnajore në Antarktidë. Shumë nga këto liqene janë të ndërlidhura, me ujë që rrjedh nga një liqen në tjetrin. Ekosistemi i tyre mbetet i panjohur.
Machapuchare, Nepal – Machapuchare, i njohur gjithashtu si Mali i Bishtit të Peshkut, ndodhet në Himalajet Annapurna në Nepal. Ky mal është i shenjtë për banorët vendas, sepse ata besojnë se Zoti Shiva jeton në majë. Për këtë arsye, askush nuk lejohet të ngjitet në majën e saj.
Mariana, Oqeani Paqësor – E vendosur në brigjet e Japonisë, kjo është pika më e thellë oqeanike në planet. Ajo ka një gjatësi prej rreth 2,550 km dhe gjerësi 69 km. Janë bërë disa ekspedita që kur u zbulua për herë të parë në vitin 1951. Megjithatë, kjo mbetet një nga zonat më të largëta dhe të paeksploruara të planetit tonë.
Shpella Son Doong, Vietnam – Kjo shpellë, e vendosur në Parkun Kombëtar Phong Nha-Ke Bang, është një nga shpellat më të mëdha natyrore në botë. Është vlerësuar se vetëm rreth 30% e parkut natyror është eksploruar.
Republika Sakha, Rusi – Republika e Sakhasë, e njohur gjithashtu si Yakutia, klima e saj ekstreme e bën atë një nga vendet më të vështira për të jetuar në Tokë dhe një zonë e paeksploruar.
Patagonia Veriore, Kili – Kjo pjesë e shkretëtirës së Kilit është ende një nga vendet më të paprekura në Tokë. Fusha e Akullit të Patagonisë Veriore, e cila shtrihet për 4,200 km katrorë është një nga zonat e saj më të izoluara./k.k
