Ish-kryeministri, Sali Berisha, po merr masat e nevojshme për t’i kërkuar administratës së Donald Trump heqjen e “non gratës” të saknsinuar që në 19 maj 2021. Berisha tha se do të këshillohet me juristë se çfarë rruge duhet të ndiqet. PD beson se administrata Trump mund t’i heqë sanksionin “non grata”, me argumentin se për këtë çështje është investuar Soros, McGonigal dhe Rama.
Ish-kryeministri dhe kreu aktual i Partisë Demokratike, Sali Berisha, ka bërë të ditur gjatë një konference për shtyp se do të ndërmarrë hapa për të kërkuar anulimin e vendimit për shpalljen e tij “non grata” nga Shtetet e Bashkuara të Amerikës. Berisha theksoi se këto përpjekje do të fillojnë pas rikthimit të Donald Trump si President i SHBA-së, duke nënvizuar se beson se administrata Trump do të trajtojë ndryshe çështjen e tij. Gjatë fjalës së tij, Berisha e quajti vendimin e Departamentit Amerikan të Shtetit të vitit 2021 si një akt korruptiv, i cili sipas tij është rezultat i lobimit nga Kryeministri Edi Rama dhe mbështetësit e tij ndërkombëtarë. “Që nga data 19 maj 2021, kur u shpalla “non grata”, unë nuk kam ndërmarrë asnjë veprim për të lobuar kundër këtij vendimi. Kam zgjedhur të ndjek një rrugë ligjore dhe morale, duke e lënë këtë çështje për t’u trajtuar nga gjykatat dhe institucionet përkatëse. Por me rikthimin e Trump në Shtëpinë e Bardhë, do të filloj përpjekjet e mia për të anuluar këtë vendim të padrejtë dhe korruptiv,” tha ai. Berisha gjithashtu njoftoi se para çdo hapi që do të ndërmarrë, do të këshillohet me një grup juristësh për të përcaktuar strategjinë më të mirë ligjore. Ai shtoi se vendimi për shpalljen e tij “non grata” është një sulm politik i organizuar nga kundërshtarët e tij, të cilët, sipas tij, kanë përdorur metoda të pandershme për të ndikuar në institucionet ndërkombëtare. “Në vitet që pasuan vendimin e administratës Biden, unë kam qëndruar i përmbajtur dhe nuk kam ndërmarrë asnjë lëvizje për lobim. Kam besuar te drejtësia dhe kam preferuar të ndjek një rrugë të hapur e transparente. Por tani, me ndryshimet që pres të ndodhin në Shtëpinë e Bardhë, do të shqyrtoj çdo mundësi për të mbrojtur të vërtetën time dhe për të ndaluar këtë padrejtësi që më është bërë,” tha Berisha. Ai vlerësoi politikat e administratës Trump, duke përmendur vendimet që ndalonin përdorimin e fondeve të taksapaguesve amerikanë për të ndërhyrë kundër opozitave në vende të tjera. Berisha e cilësoi këtë ër të lobuar kundër këtij vendimi. Kam zgjedhur të ndjek një rrugë ligjore dhe morale, duke e lënë këtë çështje për t’u trajtuar nga gjykatat dhe institucionet përkatëse. Por me rikthimin e Trump në Shtëpinë e Bardhë, do të filloj përpjekjet e mia për të anuluar këtë vendim të padrejtë dhe korruptiv,” tha ai. Berisha gjithashtu njoftoi se para çdo hapi që do të ndërmarrë, do të këshillohet me një grup juristësh për të përcaktuar strategjinë më të mirë ligjore. Ai shtoi se vendimi për shpalljen e tij “non grata” është një sulm politik i organizuar nga kundërshtarët e tij, të cilët, sipas tij, kanë përdorur metoda të pandershme për të ndikuar në institucionet ndërkombëtare. “Në vitet që pasuan vendimin e administratës Biden, unë kam qëndruar i përmbajtur dhe nuk kam ndërmarrë asnjë lëvizje për lobim. Kam besuar te drejtësia dhe kam preferuar të ndjek një rrugë të hapur e transparente. Por tani, me ndryshimet që pres të ndodhin në Shtëpinë e Bardhë, do të shqyrtoj çdo mundësi për të mbrojtur të vërtetën time dhe për të ndaluar këtë padrejtësi që më është bërë,” tha Berisha. Ai vlerësoi politikat e administratës Trump, duke përmendur vendimet që ndalonin përdorimin e fondeve të taksapaguesve amerikanë për të ndërhyrë kundër opozitave në vende të tjera. Berisha e cilësoi këtë
një qasje të drejtë dhe të ndershme që i shërben demokracisë dhe mbështetjes së vlerave politike në nivel global. Berisha u ndal edhe te roli i Kryeministrit Edi Rama në këtë çështje, duke e akuzuar atë për ndërhyrje direkte dhe përdorim të burimeve shtetërore për të ndikuar në marrjen e vendimit për shpalljen e tij “non grata”. “Ky është një akt i pastër korruptiv. Rama dhe mbështetësit e tij kanë bërë gjithçka që të më dëmtojnë politikisht. Por unë nuk do të ndalem. E drejta vonon, por nuk mungon,” u shpreh Berisha. Përfundimisht, Berisha siguroi mbështetësit e tij se ai do të bëjë çdo përpjekje për të rivendosur emrin e tij dhe për të kundërshtuar atë që e quan një padrejtësi të madhe ndaj tij. Kjo deklaratë pritet të shkaktojë reagime të shumta si në skenën politike vendase ashtu edhe në atë ndërkombëtare, duke rikthyer në qendër të vëmendjes debatin mbi vendimin e “non gratës” ndaj tij.
Zgjedhjet
KQZ raporton në Gjendje Civile për regjistrimet e emigrantëve
Komisioni Qendror i Zgjedhjeve ka marrë masa për të përmirësuar procesin e regjistrimit të zgjedhësve nga jashtë vendit. Në një vendim të fundit të Komisionit Rregullator, është miratuar një shtesë që përcakton se çdo të hënë, KQZ do t’i vendosë në dispozicion Drejtorisë së Përgjithshme të Gjendjes Civile (DPGjC) një listë të azhurnuar të zgjedhësve që kanë përfunduar me sukses procesin e regjistrimit. Kjo listë do të gjenerohet automatikisht nga Platforma Elektronike e Regjistrimit (PER) dhe do të dërgohet në format elektronik. Përmes këtij procesi, DPGjC do të hartojë dhe publikojë ekstraktin e listës së zgjedhësve brenda 24 orëve, duke identifikuar ata që tashmë janë regjistruar jashtë vendit. Ky mekanizëm synon të shmangë mbivendosjen e votave duke hequr këta zgjedhës nga lista brenda territorit shqiptar. Nevoja për këtë shtesë në vendimin nr. 10/2025 lindi për shkak të rritjes së ndjeshme të kërkesave për regjistrim dhe për të lehtësuar punën për përgatitjen e listave përfundimtare zgjedhore. Sipas statistikave të fundit, KQZ ka pranuar mbi 66 mijë kërkesa për regjistrim, por vetëm 41 mijë prej tyre janë miratuar, ndërsa 24 mijë aplikime janë refuzuar. Këto shifra tregojnë për një proces të komplikuar, ku më shumë se një e treta e aplikantëve nuk kanë mundur të përfundojnë regjistrimin me sukses. Anëtarët e KQZ-së kanë ngritur shqetësime mbi mbështetjen që i ofrohet shtetasve shqiptarë në këtë proces. Muharrem Çakaj, anëtar i komisionit, kritikoi mënyrën e menaxhimit të situatës: “Ne nuk mund të lejojmë që përgjegjësia të bjerë vetëm mbi emigrantët. Duhet të kemi një qasje proaktive, duke i kontaktuar ata përmes telefonatave dhe duke i udhëzuar konkretisht për hapat që duhet të ndjekin.” Nga ana tjetër, Jona Josifi, Drejtoresha e Votimit nga Jashtë, theksoi se kapacitetet e kufizuara janë një pengesë. Ajo sqaroi se aktualisht janë vetëm 16 operatorë që punojnë në linjën e ndihmës për zgjedhësit, çka e bën të pamundur kontaktimin individual të çdo aplikanti. Një situatë tjetër që ka tërhequr vëmendjen lidhet me kryetarët e bashkive dhe përfshirjen e tyre në aktivitete të lidhura me regjistrimin e zgjedhësve nga jashtë. Rasti më i fundit është ai i Adis Sallës, kryetarit të Bashkisë Cërrik, i cili mori pjesë në një takim të Partisë Socialiste në Selanik dhe e promovoi aktivitetin në faqen zyrtare të bashkisë. Ky veprim shkaktoi përplasje mes Komisionerit Shtetëror të Zgjedhjeve, Ilirjan Celibashi, dhe përfaqësuesve të bashkisë. Celibashi kritikoi ashpër kryetarin e bashkisë: “Duhet të vendosë nëse është kryetar bashkie apo aktivist partie. Nëse shkon si përfaqësues bashkie, ai duhet të angazhojë qytetarë të të gjitha bindjeve politike.” Sekretarja e Përgjithshme e Bashkisë Cërrik justifikoi veprimin duke deklaruar se qëllimi i takimit ishte ndërgjegjësimi i zgjedhësve për regjistrim. Ajo shtoi se aktivitete të ngjashme planifikohen edhe në fundjavë në Itali.
Box
Fushata
Berisha disporës: Votoni! Firmosni rotacionin
Kreu i PD-së, Sali Berisha, u ka bërë thirrje të gjithë shqiptarëve që jetojnë jashtë vendit që të votojnë në 11 maj. Gjatë fjalës së tij Berisha deklaroi se vota e diasporës është e rëndësishme dhe se sipas tij do të ndikojë “që të firmosin rotacionin sepse ne kemi një program të shkëlqyer”. “Është e një rëndësie të jashtëzakonshme që nga 1 milionë e 500 mijë shqiptarë jashtë vendit me të drejtë vote, shumica e tyre të mund të votojnë. Të firmosë me votën e tyre ndryshimin, rotacionin se e vërteta është që ‘ata thyhen dhe ne i mundim’ dhe ne kemi një program të shkëlqyer, kemi një program transformues, kemi një program shpëtimtar për Shqipërinë”, tha kreu i PD./K.K
