Milani ka bërë përmbysjen e çmendur në kohën shtesë kundër Parmës.
Goli i parë u shënua nga Cancellieri ndërsa më pas Morata riktheu baraspeshën por goli u anulua për pozicion jashtë loje. Më pas Pulisic barazoi nga pika e bardhë e penalltisë. Kështu u mbyll pjesa e parë në “San Siro”. Parma kaloi sërish në avantazh me Del Prato në minutën e 80-të.
Surprizat ishin rezervuar në minutat shtesë ku Milanit iu anulua një gol por Reijnders dhe Chukweze i dhuruan ekipit një fitore shumë të rëndësishme. Kështu Milani ngjitet në vendin e 6-të me 34 pikë dhe Parma mbetet në vendin e 17-të./ D.C
