Në fillim të gushtit, rrjetet sociale u pushtuan nga një trend i ri: një çokollatë në formë tulle, e mbushur me një përbërje pistachio, që dukej e shkrirë, por edhe e crispy sa herë që dikush kafshonte. Si me shumicën e trendeve ushqimore në internet, çokollata “virale nga Dubai” u bë një sensacion. Nga momenti kur u shfaq për herë të parë në rrjetet sociale, dukej se ishte kudo.
Çokollata “Can’t Get Knafeh of It” u krijua nga Fix Dessert Chocolatier, një pastiçeri me bazë në Dubai. Çokollata përfshin elementët e ëmbëlsirës tradicionale lindore knafeh: kadaif crispy, krem pistachio dhe tahini, të mbështjella me një shtresë çokollate qumështi.
Sa kushton dhe si porositet?
Një çokollatë e vetme kushton 68.25 dirhamë të Emirateve të Bashkuara Arabe (rreth 18.50 dollarë), ndërsa një kuti me gjashtë copë kushton 385.50 dirhamë (rreth 105 dollarë). Sipas Fix Dessert, çokollatat janë ekskluzivisht të disponueshme në Dubai dhe mund të porositen vetëm në orën 2 ose 5 pasdite, me dorëzim përmes aplikacionit Deliveroo.
Origjina e kësaj çokollate ka një rrënjë të thellë kulturore, por prezantimi i saj në një formë moderne dhe luksoze e bëri atë një fenomen ndërkombëtar. Për të gjithë ata që kanë provuar një version të knafeh, kjo çokollatë mbart shijen e Lindjes së Mesme në një kafshatë që është njëkohësisht nostalgjike dhe bashkëkohore./kb
