Departamenti i Shtetit ka urdhëruar stafin e ambasadës amerikane në Kinshasa të largohet nga vendi pasi protestuesit sulmuan disa misione diplomatike sot, duke protestuar ndaj sulmeve nga anëtarët e lëvizjes M23 në lindje të Kongos. Një nga dy burimet që folën për Reuters tha se stafi diplomatik do të largohej të mërkurën.
Demonstruesit e zemëruar që protestonin për avancimin e rebelëve dhe kapjen e qytetit të Gomës sulmuan disa ambasada në mëngjes, si ato të Ruandës, Kenias, Ugandës, por edhe Francës , Belgjikës, Holandës dhe SHBA-së, duke i akuzuar për “mosveprimin” e tyre. Zyrat e OKB-së u
sulmuan gjithashtu. Ministria e Punëve të Jashtme të Kenias protestoi ashpër për “grabitjen” e ambasadës së vendit.
Sipas Reuters, disa portave të misioneve diplomatike janë djegur.
Zjarret dhe plaçkitjet e ndërtesave të ambasadave
Në ambasadën franceze, disa njerëz u ngjitën në mur dhe një gomë po digjej, e varur nga kangjellat.
“E gjithë kjo po bëhet për Ruandën. Atë që po bën Ruanda, po e bën me vullnetin e Francës, Belgjikës, SHBA-së dhe të tjerëve”, tha një protestues, Joseph Ngoi. “Populli kongolez është i lodhur. Sa herë do të vdesim?”, shtoi ai duke iu referuar përplasjeve të përsëritura në rajon.
Një gazetar tha se pa turmën që plaçkiste ambasadën e Ugandës. “Karrige, tavolina, tavolina, kanë vjedhur gjithçka. Ata gjithashtu ulën perdet”, tha Okelo Oriem, zëvendësministri i Jashtëm i Ugandës. “Bota po jeton në frikë sepse këta të rinj të trazuar po shkojnë nga një vend në tjetrin, duke djegur ambasadat,” shtoi ai.
Autoritetet belge dhe franceze konfirmuan se zjarret kishin shpërthyer në ndërtesat e misionit të tyre diplomatik. Zëdhënësi i Ministrisë së Jashtme belge, Davin Jordain tha se portës iu vu zjarri, por zjarri u vu shpejt nën kontroll dhe autoriteteve kongoleze iu kërkua të merrnin masa shtesë sigurie.
Një dëshmitar okular tha se personeli i sigurisë nuk i ndaloi protestuesit që sulmuan ambasadën keniane. “Ata e grabitën dhe më pas u larguan”, ka komentuar ai. Shefi i OKB-së foli me presidentët e Ruandës dhe DR Kongos
Sekretari i Përgjithshëm i OKB-së Antonio Guterres tha se ai foli veçmas me presidentët e Republikës Demokratike të Kongos dhe Ruandës për krizën në përshkallëzim.
Duke folur me presidentin e Ruandës, Paul Kagame, Guterres theksoi nevojën për të mbrojtur civilët në DR Kongon lindore, sipas Stephane Dujarric, zëdhënësi i tij. Situata në Goma është e tensionuar, shtoi ai, duke shpjeguar se rebelët e M23 ndodhen brenda qytetit dhe punonjësit e bluve janë detyruar të ikin në vende të sigurta.
Kreu i misionit paqeruajtës të OKB-së, Jean-Pierre Lacroix, u tha gazetarëve të hënën se forcat ruandeze po mbështesin rebelët M23 në Goma, qyteti më i madh në Kongon lindore./e.t
