Robbie Williams ka barazuar rekordin e The Beatles për shumicën e albumeve në vendin e parë në tabelën e Mbretërisë së Bashkuar, ka njoftuar Shoqata Zyrtare e Listave në Angli.
Kolona zanore e filmit të tij biografik “Better Man” me regji të Michael Gracie u bë albumi i tij i 15-të që kryeson listën e albumeve zyrtare.
Robbie Williams ka arritur rekordin e mbajtur më parë nga Beatles, një nga grupet më të rëndësishme të të gjitha kohërave.
Grupi siguroi albumin e tyre të 15-të numër një në vitin 2000 me ‘1’ i cili përfshin të gjitha këngët nr.1 të grupit në Mbretërinë e Bashkuar dhe SHBA nga 1962-1970. “1” u publikua 37 vjet pas albumit të tyre debutues në studio “Please Please Me”.
Robbie Williams ka shpërndarë një foto në rrjetet sociale në të cilën ka veshur një bluzë me emrat e katër anëtarëve të grupit së bashku me të tijat.
“Faleminderit të gjithëve që mbështetën albumin dhe filmin. Çfarë nderi i madh të kem albumin tim të 15-të Numër 1 në Mbretërinë e Bashkuar. Një falenderim i veçantë për të gjithë fansat e mi, mbështetjen e të cilëve nuk e marr kurrë si të mirëqenë”, ka shkruar këngëtarja.
“Jam shumë krenar për filmin “Better Man”, kështu që albumi i kolonës zanore që shkon në numrin një e bën atë edhe më të veçantë ,” tha ai./e.t
