Basir Çollaku e sheh si propagandë Task Forcën që u prezantua nga Struktura e Posaçme Anti Korrupsion për të hetuar krimet zgjedhore në zgjedhjet e ardhshme të 11 majit.
Në studion e Off the Record, analisti u shpreh se SPAK shpesh herë është ankuar për mungesë burimesh njerëzore, teksa shtoi se janë të njëjtët prokurorë që më herët nuk kanë përfunduar hetimet për krimet zgjedhore.
“Shoh pak propagandë nga SPAK. Ka gjëra që çalojnë. SPAK është ankuar shpesh herë për mungesë burimesh njerëzore për shkak të ngarkesës. Të nxjerrësh prokurorët në terren, ata janë vetëm 20. Financimi i partive është thembra e Akilit ku duhet të insistojnë prokurorët. Janë ato që bëjnë pis zgjedhjet. Këta prokurorë kanë qenë dhe te krimet e rënda. A është hetuar krimi zgjedhor më parë. Ka pasur kallëzime nga opozita dhe më herët. Kujtoj rastin e Durrësit, kur prokurorët shkuan në varreza për të identifikuar dy komisionerë. Kemi dosjen e Dibrës… shumë nga të dyshuarit nuk janë thirrur për të dëshmuar”, tha Basir Çollaku për gazetarin Andrea Danglli./E.T
