Kreu i KQZ, Ilirjan Celibashi tha sot në një konferencë për mediat se 3 400 zgjedhës është shifra më e lartë e miratuar në ditë nga KQZ.
Ndër të tjera Celibashi u shpreh se Italia, Greqia dhe Gjermania vijojnë të jenë ndër vendet me më shumë aplikime, miratime por edhe refuzime të zgjedhësve në ditë.
“Është rritur numri mesatar i kërkesave ditore, ka shkuar në 5800 kërkesa në ditë. Dita me më shumë aplikime ka qenë 2 shkurti me 9774 aplikime. Dita me më pak 3 588 aplikime, përgjithësisht dita e martë.
Italia, Greqia dhe Gjermania, shtetet me aplikimet më të larta, po ashtu janë 3 shtetet me numrin më të madh të miratimeve. Edhe shtetet me numrin më të madh të refuzimeve janë nga Italia, Greqia dhe Gjermania.” -u shpreh Celibashi./K.K
