Avokati Idajet Beqiri i ftuar në Abc News, komentoi protestën e Partisë Demokratike, e cila ishte e vakët dhe me pjesëmarrje të ulët.
Ai theksoi se kjo ishte protesta e radhës dhe mbyllja e saj para kohe tha ai është mbyllja e turpit për Berishën.
Avokati pohoi se Berishën e kanë braktisur të gjithë, madje dhe mbështetësit të tij.
“Ishte një protestë e radhës, sepse kanë vite që bëjnë protesta. Kjo protestë ishte mbyllja e protestave të Berishës, sepse fillojnë fushatën elektorale dhe nuk do kenë kohë për proteste. Ishte mbyllja e turpit për të. Këta nuk i mbështetin as strukturat e veta të partisë. Degradim total, Shqipëria dhe shqiptarët e kanë kuptuar shumë mirë, që kemi të bëjmë me një njeri që erdhi si misionar i opozitës, erdhi si president me ndihmën e Millosheviçit, një njeri i tillë domosdo do kishte një fund të tillë, sepse nuk i vijnë në protestë as të zgjedhurit e vet. Finalizim më të mirë se ky nuk ka ku të shkojë.”, tha ai./ S,M
