Ish-kryetari i PD-së në Kukës, Ibsen Elezi teksa po komentonte protestën e djeshme të opozitës u shpreh se Sali Berisha ka humbur dhe nuk ka çfarë ndryshon më. Ai ka theksuar në ABC News se Berishës nuk ka për çfarë t’i duhet një shanc i ri.
“Shikoja një besim të verbër se Berisha do e ndryshoj, po jo mo nuk e ndryshon se s’ka si e ndryshon. Kështu thonë që ta provojmë dhe një herë, por çfarë ndodh… Kur një ‘lider’ paraqet mungesën e transparencës dhe çdo gjë kundër demokratëve, ky është shfazim i të gjithë kësaj skene politike”.
Elezi theksoi se Berisha po proteston për të treguar se ai është opozita, por pjesëmarrja e ulët theksoi ai është mesazh se nuk ka frymë bashkimi.
Sipas tij, demokratët e kanë kuptuar dhe nuk pranojnë të përdoren për interesa të ngushta të disa personave në parti. Ai theksoi se demokratët nuk kanë besim dhe e kanë braktisur në katër anët e vendit.
“Arsyeja pse proteston është se do të tregojë se ai është opozita. Nuk ka motivim të demokratëve për të marrë pjesë në protesta, sepse ti mund të tallesh njëherë, dy apo tre, por nuk mund të tallesh në vazhdimësi.
Kur ti e shikon se nuk ka frymë dhe ti e sheh se njerëzit nuk mblidhen, të dalësh dhe të demonstrosh veten se je kaq i dobët, kjo është gabim dhe në strategji.E kanë braktis në katër anët e Shqipërisë, dhe kjo është arsyeja se pse është kjo pjesëmarrje”, tha ai./k.k
