Presidenti Bajram Begaj, është takuar me zëvendësministrin e Malit të Zi, Nik Gjeloshaj. Nëpërmjet një reagimi në platformën X, Begaj shprehet se në fokus të takimit ishte forcimi i bashkëpunimit mes dy vendeve, në fushën ekonomike, por edhe në infrastrukturë.
“Kënaqësi e veçantë të takohesha me Zëvendëskryeministrin e Malit të Zi, @NikGjeloshaj, aktualisht përfaqësuesi në qeveri më i lartë shqiptar. Diskutuam për zhvillimet pozitive në forcimin e bashkëpunimit midis dy vendeve dhe shprehëm besimin se në fushën ekonomike dhe të ndërlidhjes infrastrukturore ka mundësi akoma të pashfrytëzuara që presin të konkretizohen në të ardhmen”, shkruan Begaj, në statusin e tij në platformën X./k.k
